bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: INTERVISTAS
cumpartzi custa noa cun sos amigos tuos invia mail stampa

INTERVISTAS


04/02/2011

«Su sardu donat fortza a is cantzonis, est una lìngua potenti.»

Intervista de Diegu Corràine a Aaron Tolu de su grupu musicale sardu Shardana

Cando est nàschidu su grupu?
Su grupu est nàsciu duus annus agoa, candu deu, Fabrizio, Daniele e Matteo eus scioberau de sonai in paris e de sonai epic metal.

Comente bos seis connotos?
Deu apu connotu a Fabrizio e Daniele a ìnturu de unu forum de mùsica metal chi si narat “metalrockmuseum”, ma conoscemu giai a Fabrizio poita apu sonau cun issu invunu cuntzertu de is grupus nostrus bècius (deu femu su cantanti bassista de is Natrium e Fabrizio cantaat e sonaat sa ghitarra cun is Grim Drowsiness). Matteo invècias dd'apu connotu sa primu borta in sa sala de is provas.

Ite faghet cadaunu de bois, in prus de sonare in su grupu?
Deu traballu in una sienda de informàtica in Casteddu, Fabrizio in sa sienda sanitària de su babu, Matteo e Daniele invècias funt studiendi. Seus prenus de cosa de fai!

Pro ite custu nùmene "Shardana"?
Sa bidea a s’incumentzu fiat de fai unu grupu chi chistionaat de is Shardana sceti, su pòpulu de su mari. Candu femus scriendi is cantzonis de s’EP perou eus cumentzau a chistionai de atras cosas puru, a tipu de Sa Batalla (Sa Batalla de Seddori de su 1409), ma puru de contus chi no chistionant de sa Sardìnnia, cumenti su contu de H.P. Lovecraft “The Doom That Came To Sarnath”

Tenides unu programa culturale? 
S'obietivu nostru est de circai de fai metal cantau in sardu “chi funztionat”. Nci funti grupus meda, connotus a livellu internatzionali, chi faint metal e chi cantant in sa lìngua insoru (spanniolu, tedescu, finlandesu, norvegesu...), e duncas chi ddu faint issus ddu podeus fai nosu puru.

Ite mùsica est sa bostra? 
Ponendi sa cosa simpli meda, ti naru: Epic Metal! Po dda spricai unu pagu, sa mùsica nostra est unu Metal a bortas inchietu e lestru, a bortas prus melodiosu e druci. Dipendit de ita chistionat sa cantzoni.

E comente cumbinat cun sa cultura nostra? Pro ite cantades in sardu? 
Si cumbinat perfetamenti! Su sardu donat fortza a is cantzonis, est una lìngua potenti. A s’inghitzu femu pren’’e dudas, poita femu acostumau a cantai in ingresu, agoa apu cumprèndiu ca fiat possibili a cantai in sardu chentza de timi de no essi cumprèndiu.

Chie bos iscriet sos testos? 
Deu scriu totu is testus, dònnia borta detzidu chi scriri in sardu o in ingrèsu, a segunda de sa cantzoni.

E su pùblicu bostru chie est? 
A primu metallarus sardus, ma fintzas genti de su continenti ca at intèndiu sa mùsica nostra via web, o at lìgiu de nosu.

In ue ais fatu cuntzertos? 
In custus tres annus de traballu eus sonau in trinta cunzertus, in Casteddu, Uta, Biddesorris, ma fitzas in Arruinas (po Artes Et Sonos 2010) e Otieri. Su prus importanti dd’eus fatu in su Suns Festival de Udin in Friul, su festival de is lìnguas de minoria.

E sa reatzione de su pùblicu italianu? 
Totu is personas chi eus connotu a foras de sa Sardìnnia ant cumprèndiu su progetu, seus pràxius. S’arreatzioni de is fanzine e webzine est positiva. Narant chi su sardu in “Sa Batalla” si coiat perfetamenti cun sa mùsica, donat fortza a sa cantzoni.

Collaboratzione cun àteros grupos de àteras limbas tenides? 
No nisciuna collaboratzioni, ma speraus prus a innantis! Comente bos paret sa mùsica sarda como? Nosu seus prus informaus de sa mùsica metal in Sardìnnia, ma cussu chi eus biu e intèndiu cust'annus est chi nci funts grupus pagu chi sonant in sardu. Custu poita sa limba no est imperada meda in sa scola, e sa genti no da scit chistionai. Nosu seus circhendi de fai un’infortzu, de imparai su sardu e de circai de dd’imperai po sa mùsica nostra, ma po nosu no est ancora cosa naturali.

Sonades pro ispàssiu o cun s'idea de nde tirare unu traballu? 
Imoi po spàssiu, circhendi de fai is cosas a su mellus, bieus innui dd’acabaus! Nosu no serraus nisciuna genna (dd’acagataus serrada giai, ma custa est un'atra stòria!).

Cantos discos ais fatu finas a como?
In su 2010 est bessiu su primu MINICD nostru, ma teneus giai dexi cantzonis noas, chi speraus de publicai in su 2011.

Publicados in Sardigna? 
Totu su minicd est arregistrau e amisturau in Sardìnnia, a domu nostra, a parti sa boxi e is launeddas, arregistradas in su Calf Studio de Klaudio de is Boghes de Bagamundos.

A mi faeddas de s'esperièntzia de SUNS in Udine? 
Fiat sa prima borta chi eus sonau a fora de sa Sardìnnia, e est stètia una sperèntzia galana. Eus conotu genti noa, intèndiu sa mùsica de tota custa genti, chi cantat e pensat in sa lingua de insoru, ma chi est de menti oberta e chi circat de si fai cumprendi, e de cumprendi a is atrus. Sa mùsica nostra est pràxia, eus connotu amigus nous e genti stravanada, no podemus agatai de mellus!

suns.jpg

Ite propòsitos tenides pro su tempus venidore? 
Po cust'annu boleus acabai su cd, ca tenit dexi cantzoni noas, una perra in ingresu e una perra in sardu, a pustis eus a cuncodrai contzertus nous e promotzioni vària. Boleus arribai a imparai e imperai sempri mellus su sardu, e de ddu podit fai cumprendi a sempri prus genti. 

#Diegu Corràine

» in segus