bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

17/12/2010

“Sa Règula” de su regista Simone Contu

Sa pellìcula, in sardu, at a èssere projetada in Bànari giòvia 16 de nadale, in Bunnànnaru chenàbura 17, in Sìligo sàbadu 18.

S’Ufìtziu de sa Limba Sarda de sas Comunas de Bànari, de Sìligo e de Bunnànnaru in collaboratzione cun sa Fundatzione “Maria Carta” e cun s'Assòtziu culturale CLIC, su Cineclub de Tàtari e sa Pro Loco de Bunnànnaru organizat una sèrie de initziativas in ue b'at a èssere sa projetzione pùblica de su cortometràgiu “Sa Règula” de su regista Simone Contu.

Sa pellìcula, in limba sarda, faeddat de sos tentativos de unu maistru elementare de acurtziare su fìgiu a s'identidade e a sa cultura sarda e de comente su pitzinnu, un’atore minoreddu bravu meda, chircat de imparare a su babbu comente sas règulas carchi bia no andant bene. Un’istòria bella abberu in ue si contat su raportu intre genitores e fìgios, ma finas intre iscola e famìlia e de sas dificultades de èssere genitores e fìgios a tempos de oe.

S’initziativa faghet parte de su tziclu “limba sarda e tzìnema” e est unu de sos eventos chi tenet comente obietivu sa promotzione e sa valorizatzione de sa limba sarda in totu sos àmbitos: in s’iscola, in sa literadura, in su teatru, in sa poesia, in sos mèdios de comunicatzione, in su tzìnema ma finas in sa vida de cada die.

In totu sas initziativas b'at a èssere su regista Simone Contu e Juvanna Tuffu, responsàbile de s'Ufìtziu de sa Limba Sarda.

Sighit su calendàriu de sas initziativas:

Bànari giòvia 16 de nadale a sas 17,30 in s'àula de su Cussìgiu comunale in pratza de Solinas, presentat s'initziativa Nando Scanu de su Cineclub de Tàtari

Bunnànnaru chenàbura 17 de  nadale a sas 17,30 in su tzentru sotziale in carrera de sa Regione, presentat s'initziativa Tonino Marras, professore

Sìligo sàbadu 18 de nadale a sas 17 in tzentru de agregatzione sotziale in pratza Maria Carta. A pustis, a sas 18,30 at a sighire in sa parròchia de Santa Vitòria sa manifestatzione “Isetende su Nadale” paris cun sos pitzinnos de su Coro “Maria Carta” de s'iscola mèdia Tola de Tàtari.


#Juvanna Tuffu

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]