bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

05/09/2012

Sa festa de sos pòpulos minoritàrios

La faghent in Badde de Aosta dae su ses a su noe de cabudanni

Sa Badde de Aosta torrat a èssere  logu de addòviu  e cunfrontu de sas culturas minoritàrias. Sa de bator editziones  de sa Festa de sos pòpulos minoritàrios la faghent dae su 6 a su 9 de capudanni,  in Aosta e in Valsavarenche.  

"A dolu mannu - narat s'assessore de sa cultura, Laurent Viérin -s'Europa est galu oe un'Europa  de sos poderes e non de sos pòpulos. Sa Badde de Aosta , cun custa initziativa, cheret èssere unu puntu de riferimentu  in su dibàtidu subra de sas polìticas de defensa de sas culturas minoritàrias".

Su primu apuntamentu est  giòvia, su 6,  cun su   Collège d'études fédéraliste, in su  salone comunale de Valsavarenche, dedicadu a su tema de ocannu: sas minorias in su tempus de internèt. Intervenit sa professora frantzesa Isabelle Rigoni, responsàbile de su progetu de  Minoritymedia de s'Universidade de  Bordeaux. De su tema de sas tecnologias noas si nd'at a torrare a faeddare s'8, in un'addòviu in su palatzu de sa Regione.

Dae chenàbura si lassat logu a sa mùsica. A sas ses de sero b'est s'isfilada de sos pòpulos minoritàrios in sas carreras de Aosta, acumpangiados dae su  sutafundu de sa Brice Miller and the Mahogany Brass Band de sa Louisiana. In sa matessi ora s'aberint , in pratza de Chanoux, sas barracas  de sos binti pòpulos òspites de custa editzione. A sas noe e cuartu in su Teatru romanu de Aosta cantant e sonant sos irlandesos The Clannad. In antis unos cantos cantautores e grupos baddeostanos s'ant a esibire in patois:  in mesu de custos,  Naif, Philippe Milleret, i Trouveur e Erik Bionaz.

Sàbadu si faeddat de Luisiana  cun unu documentàriu fatu  dae su regista baddeostanu, Daniele Giometto, chi si intìtulat "Des visages et des mots. La Louisiane et les louisianais.". Pustis b'at grupos americanos: C.J Chenier & Red Hot Louisiana Band e Brice Miller and the Mahogany Brass Band.

Domìniga si faeddat de cultura baddeostana A sas oto e mesa de sero  su regista Joseph Péaquin presentat su documentàriu suo dedicadu a sos baddeostanos.   Dae sas noe e cuartu  bi sunt sos atores de su primu musicale in patois, "Tourna avoui me".

 


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]