bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

07/05/2012

François Hollande, presidente de Frantza, at bìnchidu in Bretagna, at pèrdidu in Còrsica.

Luego sa ratìfica de sa Carta europea de sas Limbas?

François Hollande est su presidente nou de Frantza, cun su 52% de sos votos. In Bretagna, totu sos dipartimentos ant isseberadu a isse. Chi siat s'efetu de sa prominta de sa campagna eletorale, cando aiat promìntidu de ratificare sa Carta europea de sas limbas: una ghenna aberta a su reconnoschimentu prenu de sa limba brètone e de sas àteras?
In Còrsica, però, at bìnchidu Sarkozy, cun su 55,87%!
Bidimus si Hollande at a mantènnere sa paràula.

Sa Carta europea de sas limbas, fata dae su Cussìgiu de Europa, totus la cherent ma pagos la ratìficant. Ischimus comente est andada sa chistione in Itàlia! Unu matzimbròddiu pagu craru.
In aterue est finas peus, ca "non totus" la cherent! In Frantza, pro nde nàrrere una, in s'ùrtima campagna eletorale, sa chistione de sa ratìfica de sa Carta europea de sas limbas fiat unu de sos argumentos primos de su cuntrastu eletorale. Hollande, François Bayrou e Eva Joly aiant giai decraradu chi fiant in favore. Nicolas Sarkozy, in càmbiu, si fiat decraradu contràriu a sa ratìfica. Gasi etotu Jean-Luc Mélenchon, de su partidu de sa Sinistra, "fieru de èssere giacobinu, fieru de faeddare in frantzesu e in ispagnolu, sa limba de sos giajos". Contrària finas Marine Le Pen.
Ite cumpangia s'at isseberadu sa parte giacobina, tzentralista de sa sinistra frantzesa, sa matessi chi fiat contrària a s'indipendèntzia de s'Algeria, cun su PCF de Maurice Thorez!

A dolu mannu, in Itàlia e in Sardigna, una parte de sa sinistra no est diferente dae sos giacobinos frantzesos.

#Diegu Corràine

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]