bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

15/10/2011

Cale si siat ofensiva contra a su catalanu at a èssere motivu de gherra

L'at naradu  Artur Mas, Presidente de sa Generalitat de Catalugna

Su Presidente de sa Generalitat de Catalugna, Artur Mas, at avèrtidu  chi at a cunsiderare  "casus belli (motivu de gherra)" cale si siat ofensiva pro  "distruire" su catalanu. In su salone  Torres Garcia de su Palatzu de sa  Generalitat, in ue at presìdidu  su plenum  de su Cussìgiu Sotziale de sa  Limba Catalana, Mas at fatu  un'avertimentu sèriu  a sos chi pretendent de  atacare sa limba  catalana. "Pro nois, b'at una sèrie  de temas e de lìnias  rujas, chi in intro issoro  b'est sa limba catalana,  chi,  si nche las colant, si nos atacant  cun voluntade  de distrutzione o diluitzione, pro nois custu est unu  "casus belli" dae su puntu de vista de sa defensa de su paisu", at naradu.

Mas at ammentadu  chi su primu  ministru de su Quebec, Jean Charest, chi s'est bidu cun isse a printzìpios de custa chida, est unu natzionalista chi  difendet unu modellu  "federalista" pro su  Canadà, però l'at cunfessadu  chi diat èssere dispostu  a s'acurtziare a sos postulados soveranistas  si carchi istitutzione canadesa diat atacare   sa limba frantzesa de su Quebec. In sos ùrtimos tempos, at denuntziadu Mas, b'at àpidu setores polìticos e giuditziales  chi ant fatu  "menetzas craras" a sa limba  catalana, cun s'idea  de atacare sa lìnia de gallegiamentu sua".

Mas s'est riferidu  a sos pronuntziamentos reghentes de su Tribunale Supremu  e de su  Tribunale Superiore de Giustìtzia de Catalugna, chi diant pònnere in perìgulu  su sistema de immersione  linguìstica in catalanu, criticadu finas dae sas filas  de su PP. A pàrrere de su  presidente de sa  Generalitat, a bètia de sas "chistiones  importantes" chi pesant  in su tempus venidore  de sa limba catalana, b'at àpidu progressos , pro nàrrere, in s'indùstria de su tzìnema, cun s'acordu reghente  pro aumentare  su nùmeru de sas pellìculas  de Hollywood dopiadas in catalanu. Mas at fatu un'apellu  a istitutziones e sotziedade tzivile  de Catalugna a "isvilupare  totu sas energias" pro fàghere progredire  s'impreu sotziale de sa limba catalana.


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]