bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

14/10/2011

Su sardu e sos idiomas alloglotas de Sardigna esclùdidos dae su tzensimentu

Su Comitadu pro sa limba sarda ghetat boghes

''Protestamus in sa manera prus forte ca nch'ant cantzelladu  sa minoria linguìstica sarda  dae su cuestionàriu de su Tzensimentu generale de sa populatzione  e de sas domos  2011 distribuidu in Sardigna''. L'at naradu Màriu Carboni, coordinadore de 'Su Comitadu pro sa limba sarda',

''In àteras Regiones a autonomia ispetziale - crarit Carboni - in ue b'at  minorias  linguìsticas  che a s'islovena, sa sudtirolesa, sa baddeostana e sa ladina, mancari in manera diferentziada  cunforma a s'autonomia issoro, custas sunt istadas leads in cunsideru, o in s'ammaniòngiu  de sos mòdulos in sa limba issoro, o in su tzensimentu de sas minorias  linguìsticas internas''.

''Sunt plurilìngues sas istrutziones  pro sos rilevadores - sighit in sa protesta Su Comitadu -, gasi comente  sos rilevadores etotu, chi los ant isseberados finas tenende contu de sas cumpetèntzias linguìsticas de minoria, cando chi, pro su chi  pertocat sa Sardigna, in ue b'at sa minoria linguìstica prus manna de sa Repùblica italiana  (e majoria totale in s'ìsula) sa limba sarda nche l'ant cantzellada  comente chi no esisterat. Paris cun issa, sunt iscumpartas sas limbas alloglotas de Sardigna, est a nàrrere su catalanu, su tataresu, su gadduresu e su tabarchinu. Pro pònnere galu prus in craru sa discriminatzione, tocat a cunsiderare unu datu chi no est petzi istatìsticu: su gadduresu, chi puru est minoritàriu in Sardigna a pitus de su sardu, lu faeddat una populatzione ecuivalente a sa tedesca de su Sud-Tirol''.


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]