bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

17/11/2010

IN AMMENTU DE ELISEO SPIGA, NATZIONALISTA SARDU

A un'annu dae sa dispedida  |  Addòviu in Casteddu su 19/11/2010

Eliseo Spiga si nch'est andadu un'annu a como, su 19 de santandria, e paret una cosa retòrica a nàrrere chi nos mancat sèmpere prus. Ma no est gasi: b'at unu tretu mannu bòidu in sa cultura polìtica natzionalista sarda chi benit male a lu prenare. Eliseo teniat una visione unitària de sa Natzione sarda e, mescamente, de su fundamentu suo: sa limba sarda. Nàschidu in Aosta, pàschidu in Casteddu, nd'impreait su limbàgiu, e bene puru, ma mai at tentu duda chi sa limba sarda siat una e pro custu fiat de acordu pro chi b'esseret una limba iscrita unitària.

In custos annos, chi tropu sunt sos iscritores chi non contant una Sardigna chi b'est, ma sa Sardigna chi lis agradat in Rennos istràngios, Eliseo Spiga at pintadu una Sardigna bera, finas cando fiat s'ìsula fantàstica de “Capezzoli di Pietra” o de s'ùrtimu traballu suo, “La sardità come utopia, Note di un cospiratore”, unu libru chi colat dae su romanzu a su sàgiu comente chi siant totunu. S'est ispassiadu meda, et at ispassiadu sos chi los ant lèghidos, paris cun sos àteros iscritos suos, contende sa Sardigna de su coro, sa chi est e sa chi diat pòdere èssere. E nois cun isse. Aiamus chertu brullare, si pònnere sa berrita a tortu, meledare, frastimare, agatare momentos de consolu, finas si cuntentare, paris cun isse.
Su de no lu pòdere fàghere prus est cosa lègia. Meda. Diat èssere cosa bene fata e bella, a bortare in sardu sos iscritos suos. So cumbintu chi li diat agradare meda.

...

In ammentu de E. Spiga, chenàbura 19/11/2010, a sas 5,30 de merie, 
in sa Domo de s'Istudente de c/ de Trentino in Casteddu
ADDÒVIU intituladu
"L’INDIPENDENZA POSSIBILE
Comunitarismo, Sovranità e Natzione Sarda nell’opera di Eliseo Spiga"

#Giuanne Frantziscu Pintore

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]