bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

15/11/2010

SA "PASSAT" NOA PRESENTADA IN LIMBA SARDA IN CASTEDDU

Sa Volkswagen ringràtziat in Limba Sarda sas istitutziones e sos entes chi ant collaboradu a su radunu pro sa presentada de sa Passat noa.

Gianteris, su 13 de santandria de su 2010, sa sotziedade automobilìstica tedesca Volkswagen at organizadu in Casteddu unu radunu internatzionale pro presentare su modellu nou de sa Passat.
Dae su 24 de santugaine coladu, prus de deghemìgia pessones (cuntzessionàrios e rivendidores) de 184 istados de totu su mundu ant tentu sa possibilidade de connòschere sa capitale de sa Sardigna e unu tretu de s'ìsula nostra, e de proare una de sas 250 Passat noas in su caminu de Chia e de Teulada.
S'ùrtima die (13/11/2010) sa Volkswagen at ringratziadu in sardu sas istitutziones e sos entes sardos chi ant collaboradu a s'èsitu de s'eventu pro presentare sa Passat, cun una pàgina intrea de publitzidade in sardu in sa Unione Sarda.

Custu est su testu:
Sa Passat noa
Sa Volkswagen ringratziada sa Sardigna e tottus is istitutzionisi sardasa po s’accuglientzia meda bella e po s’aggiudu chi anti fattu s’accadessimentu de is presentatzionisi internatzionalisi de sa Passat noa unu successu meda mannu.

Est un'eventu importante pro sa limba sarda, ca mustrat chi podet èssere limba ufitziale e moderna no in sas amministratziones pùblicas ebbia ma mescamente in sas impresas e in su cummèrtziu. Isperemus chi custa siat petzi sa prima esperièntzia e chi àteras marcas pòngiant in fatu.

Làstima però chi b'apat carchi faddina (sas vocales paragògicas in agabbu de paràula chi non bi cherent), chi si podiat evitare si s'esserent postos in manos de espertos, comente sos de s'Ufìtziu de sa Limba Sarda de sa RAS. Si sa Comuna de Casteddu aeret abertu s'ULS suo, podiat èssere un'agiudu pro totu sos entes e impresas. Isperemus chi lu fatzant dae como in antis!

Ma finas nois de L&N, podimus agiuare de badas a iscrìere testos in sardu de cale si siat publitzidade. Si seis interessados a un'agiudu nostru de badas, iscriide a: limbasnatziones@gmail.com

#Diegu Corràine

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]