bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

25/10/2010

LIMBA CORSICANA IN IMMERSIONE IN SAS ISCOLAS PÙBLICAS

Sa proposta de su colletivu «Parlemu Corsu»

Su colletivu “Parlemu Corsu”, ativu in sa promozione ativa de sa limba corsicana, de reghente at propostu una cambianmentu radicale in sa polìtica linguistica “pro otènnere sas mesuras netzessàrias pro una sotziedade bilingue” narende chi “tocat a fàghere, no a decretare ebbia”.

In pràtica, a pustis de 3 annos chi est operende in su territòriu, organizende atziones in corsicanu (animatzione pro piseddos, dies a tema, dibàtidos de tradutores, atziones simbòlicas, visita a museos in corsicanu), Parlemu Corsu cheret mustrare chi sa limba bolet promòvida in totu sos setores, devet inghiriare sas pessones, mannas o minores chi siant.

Antis, est fundamentale, pro PC, a cumintzare dae sos prus minores. E difatis PC proponet in 16 puntos una petizione pùblica pro su corsicanu. Ma su pundu de fundamentu est “sa immersione linguistica pro s’iscola de s’infàntzia”.

Moende dae sa cunditzione mala in ue s’agatat sa limba corsicana e bidende cantu su frantzesu est presente in totue, in caminu, in sas butegas, in sos mèdios de informatziones, PC narat chi tocat a essire dae sos ploclamas formales in favore de su bilinguismu e chi est cumbeniosu a dare sa prioridade a sa limba locale. E duncas in iscola PC proponet chi sos piseddos siant agasagiados prioritariamente o esclusivamente in corsicanu e chi custa limba siat praticada in totu sas materias. Su frantzesu diat dèvere intrare progressivamente.

Pagu prus o mancu su chi faghent giai sas iscolas privadas bascas (Ikastola), brètones (Diwan) o catalanas (La Bressola).

Nudda de rivolutzionàriu, si pessamus chi est sa pràtica normale finas pro imparare a minores sas limbas istràngias!

Custa positziones de PC sunt de una craesa chi agradat finas a nois, ca pessamus chi pro su sardu diat tocare a fàghere su matessi: immersione esclusiva a su nessi in sos primos annos de edade e de iscolarizatzione. S’italianu, chi tenet unu muntone de àteras occasione pro èssere imparadu, podet bènnere a pustis.

# dsc

Cumpartzi custa noa cun sos amigos tuos

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]