bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

26/06/2009

Torrat a cumintzare "Udin e conte", notitziàriu in limba friulana

Propostu dae sa Comuna de Udine, a disponimentu de 7 emitentes radiofònicas e televisivas.

Sàbadu 27 de làmpadas, torrant a cumintzare sos notitziàrios in friulanu, "Udin e conte" (Ùdine contat), chi sa Comuna de Ùdine faghet cada chida in totu sas emitentes. Cun custu cumintzu nou, b'at a àere finas una novidade: su notitziàriu s'at a pòdere bìdere finas collegehende·si a su situ de sa Comuna (www.comune.udine.it nella sezione "Progetti"), pro more de sa sinergia intre s'Ufìtziu de tutela e valorizatzione de sa limba friulana e su Tzentru redatzionale chi s'òcupat de su situ "Lionello".

Udin e conte, in prus de informare, est destinadu a s'atividade divulgativa e didàtica de sa limba friulana. Est pro custu chi at a èssere possìbile a lèghere finas su testu de sas trasmissiones. Totu est fatu a manera chi s'utente, ascurtadore o ispetadore, si potzat informare ma finas imparare s'iscritura chi a Regione at istabilidu in su 1996.

Cada trasmissione at a durare 6 minutos, at a èssere sestada e realizada in intro de sa Comuna. At a èssere trasmìtida dae Radio Onde Furlane su sàbadu a sas 12.30, su lunis  a sas 10.05 e su mèrcuris a sas 18.20 e in Radio Spazio 103 su sàbadu a sas 14 e sa domìniga a sas 12.25. In sas televisiones at èssere presente in Telefriuli, in ue su notitziàriu andat in unda su sàbadu a sas 20.30, su lunis e su mèrcuris a sas 21 e su martis a sas 20.50. Tpn mandat in unda il programa su sàbadu a sas 21.15 e sa domìniga a sas 22.45, Antenna 3 su sàbadu a sas 19.20 e su lunis alle 23.45. 

Cada duas chidas Telequattro mandat in unda su programa su sàbadu a sas 19 e su lunis a sas 14.30 e Telechiara su lunis a sas 19 e su martis a sas 19.15.

Un'idea bona a beru custa e sa Comuna de Ùdine, chi diat tocare a leare a modellu finas in Sardigna.


#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]