bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

20/01/2009

S'Europa cunsìderat positivu su traballu realizadu in favore de sas limbas minoritàrias

Su Comitadu de espertos de su Consìgiu de Europa at fatu sos cumplimentos a sa Comunidade autònoma basca, a sa Catalugna e a sa Galìtzia pro "àere riativadu e normalizadu" sas limbas issoro.

Sa vitze-ministra basca de Polìtica Linguìstica, Patxi Baztarrika, at presentadu in Sant Sebastian su raportu de sa Carta europea de sas limbas regionales o minoritàrias de s’Istadu ispagnolu. In custu raportu, su Comitadu de espertos at bantadu sas polìticas adotadas dae Catalugna, Galìtzia e Comunidade autònoma basca pro "àere riativadu e normalizadu" sas limbas issoro. Su Comitadu at fatu sos cumplimentos a custas comunidades pro s’acordu firmadu in matèria de polìtica linguìstica. In prus, at "aplaudidu" pro sa creatzione de su servìtziu Elebide de su Guvernu bascu, unu servìtziu incarrigadu de dare cara a sos deretos linguìsticos.

Baztarrika at manifestadu  "sa cuntentesa" de su  Guvernu bascu pro s’ "impignu forte" de su Consìgiu de Europa pro s’isvilupu de sa limba basca.

In prus, Baztarrika at craridu chi su raportu de su Comitadu de Espertos de su Cunsìgiu de Europa proponet a s’Istadu de adotare mesuras chi permitant s’utilizu de sas limbas ufitziales diferentes dae su Castglianu in sas istitutziones, s’amministratzione de sa giustìtzia, sas sotziedades de s’Istadu e sas impresas de servìtzios pùblicos, e in sos mèdios de comunicatzione dipendentes dae s’Istadu o dae àteros organismos pùblicos.

In su matessi tempus, su Comitadu faeddat de sas lamentas retzidas dae s’ Osakidetza (Servìtziu bascu de sanidade) e dae s'Ertzaintza (Politzia basca) in ue su personale non tenet una connoschèntzia bastante bona de sa limba basca.

Pro su pertocat s’ Osakidetza, b’at "dificultades" ca "sos patzientes chi arribbant non podent èssere tratados in bascu". Su Comitadu retenet chi sos organismos interessados "diant dèvere megiorare  sa situatzione de como".

Istrutzione

In su campu de s’Istrutzione, su Consìgiu de Europa at cualificadu comente importantes sos progressos realizados dae su Guvernu bascu e cunsìderat chi sos impignos leados "sunt a tretu de èssere postos in òpera", a manera chi s’istrutzione in bascu aumentet.

Pro su restu, su Cunsìgiu at fatu sos cumplimentos pro su "cambiamentu istòricu" chi b’at àpidu in sos raportos intre s’Esecutivu bascu e su Guvernu de Navarra pro su chi pertocat sa limba basca e at postu in craru "s’aumentu importante" de sos agiudos a sos mèdias in limba basca.

[Sarvadore Serra]

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]