bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

20/01/2009

S’indùstria de sos videogiogos in su situ de su Termcat.

Sos tèrmines de su ditzionàriu de sos videogiogos

S’indùstria de sos videogiogos est oe unu fenòmenu de massa. Sos primos aparatos pro s’ispassiare, essidos a campu in sos annos otanta, ant dassadu logu a unu mercadu chi in manera progressiva s’est cunsolidende comente unu de sos setores audiovisuales prus de importu. S’isvilupu de s’informàtica e sas tecnologias noas, paris cun sa generalizatzione de s’impreu de Internet e sa preponderàntzia de abitùdines noas in su tempus lìberu, nde sunt istados, pro su prus, responsàbiles.
      
      In sos territòrios in ue si faeddat su catalanu b’at una atividade professionale dinàmica de istùdios pro isvilupare sos videogiogos e un’interatzione forte intre sa colletividade manna de sos giogadores; però a s’ispissu sa limba chi s’impitat recurret a solutziones pròpias de s’inglesu in casos in ue si podent impreare alternativas catalanas. Cun s’idea de pònnere a disponimentu de produtores e usuàrios de videogiogos sas solutziones terminològicas netzessàrias in catalanu, est essida a campu sa Terminologia dels videojocs, resurtadu de unu traballu de collaboratzione intre terminòlogos e ispetzialistas de su setore.

      Custu est petzt un’esempru de su traballu terminològicu chi su Termcat, òrganu de sa Generalitat de Catalugna, est faghende dae annos medas, in  totu sos setores de sa connoschèntzia, dae su deretu a s’isport, dae sa meighina a s’indùstria. Sas finalidades suas sunt, comente si leghet in s’istatutu, planificare e coordinare sa chirca terminològica in limba catalana e elaborare sas siendas terminològicas netzessàrias pro agiuare s’usu de su catalanu in sos àmbitos sotziueconòmicos, tècnicos e sientìficos. Est una tarea manna, chi nois, in Sardigna, semus in pessu cumintzende
 
Sos tèrmines de su ditzionàriu de sos videogiogos si podent consultare in lìnia, in su situ de su Termcat, www.termcat.cat

[Sarvadore Serra]


#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]