bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

02/01/2009

Una proposta de normativa noa pro sa limba e una TV web in sardu

Eris, 21-12-2008, sa Giunta regionale at aprovadu una proposta de lege cun ideas, règulas e mètodos noos de polìtica linguìstica, a 11 annos dae sa Lege 26 de promotzione e valorizatzione de sa limba sarda. 
In sa matessi die, sa Giunta, at finas aviadu sa tv web in limba sarda chi su presidente Soru aiat promìntidu unos cantos meses a como.
Sa proposta de lege noa sighit su modellu de sa lege friulana reghente e su de sa provìntzia de Trento e punnat a pònnere su sardu in iscola in oràriu curriculare, sa sinnalètica bilìngue e àteros mèdios pro dare a su sardu prus logu in sa sotziedade e in su territòriu.
Sunt prevìdidas finas atziones in favore de su gadduresu, de su tataresu, de s'aligheresu e de su tbarchinu, giai reconnotos dae sa Lege 26/97.
Sa Lege at a pòdere tutelare de prus totu sas variedades locales ma at a cunsentire finas de pònnere semper prus in pràtica sas normas isperimentales iscritas de sa Limba Sarda Comuna, lassende a cadaunu sa possibilidade de faeddare sa variedade personale e locale sua.
Sa limba sarda nd'at a resurtare prus forte, si sa lege de polìtica linguìstica at a leare efetu pràticu, ca sa limba no isetat. Cada die chi colat est peus pro sa limba, ca si est beru chi su 70 pro chentu de sos Sardos pràticat su sardu, est finas beru chi petzi su 13% de sos piseddos faeddat in sardu. Cheret nàrrere chi est in perìgulu sa trasmissione de sa limba dae una leva a s'àtera.
Non podimus prus isetare pro assegurare unu tempus benidore a sa limba nostra. Devet èssere presente in cada àmbitu sotziale e territoriale e in cada impreu, devet èssere ufitziale a beru, a su nessi che a s'italianu. Dae deretu.

[red]

#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]