bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

04/12/2008

Su sistema operativu "Vista" de Microsoft in limba romàntza

Unu resurtadu importante pro afortire una limba faeddada dae 66.000 pessones ebbia.

Su sistema operativu "Vista" de Microsoft dae atòngiu chi benit at a èssere a disponimentu de sos uteentes finas in limba romantza. E finas su pachete Office 2007 (cun programas che a Word e Excel) at a èssere bortada in sa de bator limbas de sa Cunfederatzione Elvètica.


Su cantone de sos Grisones, sa Lia Rumantscha e Microsoft ant firmadu su 3-12-2008 in Coira, sa capitale grisona, un'acordu pro pònnere in pràtica custu progetu.Tres annos como su gigante informàticu americanu ait bortadu pro sa prima bia in rumantsch grischun (sa "limba comuna") su pachete Office 2003, in collaboratzione cun sa Lia Rumantscha, s'organizatzione chi aunit assòtzios culturales romantzas.

Est craru chi custu resurtadu est possìbile ca in su 1982 ant elaboradu e adotadu una norma unitària, su Rumantsch Grischun, limba amministrativa ufitziale chi lassat sa possibilidade a cadaunu de pronuntziare a manera sua sa limba romantza. Nen prus e nen mancu de su chi si podet fàghere in Sardigna cun sa Limba Sarda Comuna e sas variedades locales.


Sos programas Microsoft bortados in romantzu cunsentint a custa limba faeddada dae 66.000 pessones ebbia de èssere una limba "normale" in sa sotziedade multilìngue isvìtzera.


In pràtica Microsoft si càrrigat su costu de ammaniare sa tradutzione. A pustis, s'utente devet installare su "Language Interface Pack" in romantzu —pro cambiare sa limba de Office—, chi est a disponimentu in rete de badas. Sa prima versione finas a como l'ant iscarrigada a su nessi  8000 bias.


A cando una tradutzione de Vista e de Office in sardu, ufitziale, paris cun Microsoft? Isperemeus luego. A mus a fàghere su possìbile pro bi resessire!


[red]



#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]