bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

19/11/2008

Sa Diversidade de sas Limbas in Europa, Itàlia e Sardigna

Cunferentzia regionale pro sa limba sarda pro su 2008

S'Assessoradu de s’Istrutzione Pùblicaa de sa RAS at ammaniadu sa Cunferentzia regionale pro sa limba sarda pro s'2008 pro sas dies 28,29 e 30 de su mese de santandria in Macumere, in sa sala de sa riuniones de su “Padiglione S.Castagna”,  in carrera de Ariosto 11.

In custas tres dies, espertos sardos e istràngios ant a tratare sos temas prus importantes pro cumprèndere su tempus  presente e su benidore de sas limbas minoritàrias: Sa diversidade linguìstica in Europa, Sa situatzione sotziolinguìstica in Sardigna, Sas minorias linguìsticas in Itàlia, Sas variedades linguistìcas in Sardina e sas propostas de istandardizatzione amministrativa, Sa polìtica linguìstica in Sardigna e s'Isportellu Linguisticu Regionale.

Su traballu de custas dies at a èssere inauguradu dae su presidente Renato Soru e dae s'Assessore M. Antonietta Mongiu.

Su prus de sos espertos presentes benit dae logos in ue sunt presentes àteras minorias. Sunt duncas sas pessones chi connoschent megius custas realidades e sunt a tretu de cumprèndere sos problemas de cada limba e de propònnere finas solutziones addatas a sas relaidades sìngulas.

Si est beru chi su sardu est limba galu forte e populare (a su nessi su 70% de sa populatzione l'impreat cada die), est finas beru chi dae como in antis bi cheret una polìtica linguìstica coerente e operativa pro garantire a sa limba de èssere presente in totue, in iscola, in s'amministratzione, in sos mèdios informativos, in sas impresas, duncas in sa sotziedade e in su territòriu. Como e in su tempus benidore.

[dsc]

#Sarvadore Serra

Programa cumpretu de sa Cunferèntzia Programa cumpretu de sa Cunferèntzia
cun sos nùmenes de totu sos Relatores
» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]