bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

08/08/2011

Sa Decraratzione Universale de sos Deretos Linguìsticos 
tenet 15 annos

Promòvida dae su PEN Internatzionale e dae su CIEMEN de Bartzellona

Sas dies dae su 6 a s’8 de làmpadas de su 1996 si fiant riunidos in Bartzellona 66 ONG, 41 Tzentros PEN e 41 espertos in deretos linguìsticos de totu su mundu. A cunvocare sa Cunferèntzia Mundiale de Deretos Linguìsticos fiant istados, tando, su Comitadu de Tradutziones e Deretos Linguìsticos de su PEN Club Internatzionale e su CIEMEN (Centre Internacional Escarré per a les Minories Ètniques i les Nacions), cun s’agiudu morale e tècnicu de s’UNESCO. S’Assemblea de partetzipantes aiat aprovadu sa Decraratzione Universale de Deretos Linguìsticos pro aclamatzione in un’atu tzelebradu su 6 de làmpadas in s’Auditòriu de s’Universidade de Bartzellona. Sos delegados de sas ONG, Tzentres PEN e espertos aiant firmadu su documentu in sa matessi ocasione e, a pustis, aiant cunsinandu su testu cun totu sas firmas a su rapresentante de su  Diretore Generale de s’UNESCO.

S’egualidade de totu sas limbas
Sa definitzione de unos cantos deretos linguìsticos giustos non podet èssere subordinada a s’istatus polìticu o amministrativu de sas limbas ne a critèrios sugetivos, comente podet èssere, a pàrrere de calicunu, su gradu de codificatzione o sa cantidade de locutores. Pro custu, sa Decraratzione proclamat s’egualidade de sos deretos linguìsticos, sena distintziones non pertinentes intre limbas ufitziales / no-ufitziales, natzionales / regionales / locales, majoritàrias / minoritàrias, o modernas / arcàicas.

Sos Deretos linguìsticos: 
colletivos e individuales.
Sa Decraratzione cunsìderat inseparàbiles e interdipendentes sas dimensiones colletiva e individuale de sos deretos linguìsticos, ca sa limba si costituit colletivamente in intro de una comunidade e ca, in intro suo, sas pessones l’impreant in manera individuale. Duncas, sos deretos linguìsticos individuales podent èssere efetivos si sunt rispetados sos deretos colletivos de totu sos grupos linguìsticos.

#Diegu Corràine


» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]