bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

08/08/2011

Sa limba aymara in su situ Global Voices

Bi traballant istudentes universitàrios medas

In mesu de sos sitos de Global Voices nàschidos dae pagu, bi nd'at unu chi tenet unu primadu de importu: est su primu in una limba indìgena, s' aymara.  Est sa limba materna  de prus de  duos milliones de pessones  chi istant in sas Andas, mescamente  in Bolìvia e in Perù, in ue l'ant reconnotu  su status de limba ufitziale. S'aymara lu faeddant  finas in unos cantos giassos de Tzile e de Argentina, e in cussas comunidades aymaras   chi si nche sunt tramudadas  dae sas regiones  in ue istaiant.

Su primu messàgiu de Global Voices bortadu dae s'ispagnolu  in aymara est essidu in cabudanni de su 2009, e dae cussu mamentu sas tradutziones ant sighidu pro un'annu cun discontinuidade. Ma, dae cando Victoria Tinta (in sa fotografia) est intrada comente diretora, su situ at cumintzadu a bogare a campu a fitianu messàgios  in aymara. In prus de  torrare a bìdere e sestare sas tradutziones, Victoria est responsàbile  de s'issèberu  e de su coordinamentu  de sos tradutores voluntàrios. In totu leant  parte  in su progetu  21 voluntàrios, e b'at unas dòighi  12 pessones chi traduint  in manera regulare.

Su situ nou est nàschidu cunforma a su progetu Jagi Aru, cun sede in El Alto in Bolìvia, chi sa finalidade sua est a promòvere  e a mantènnere s'aymara faghende crèschere sa cantidade de materiales  in lìnia in custa  limba. Tradutores e cumponentes medas  de su progetu Jaqi Aru sunt istudentes  de su dipartimentu  de linguìstica  de s' Universidade Pùblica de El Alto, totus istudiosos apassionados  de s'aymara  chi cherent  sarvare custa limba pro sas levas venidoras. Pro more de s'assòtziu cun Global Voices, su grupu  produit materiale de calidade  in aymara a fùrriu de chistiones culturales  e de atualidade de cada parte de su mundu.

 


#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]