bandera infosar
Duda chi siant fogu sos isteddos, duda chi su sole si moat, duda chi sa veridade siat fàula, ma non dudes mai chi t'istimo (W. Shakespeare)
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

17/07/2011

Una costitutzione noa pro sas Ìsulas  Fær Øer?

Cuntierra cun su guvernu de Danimarca.

Su primu ministru danesu, Lars Lokke Rasmussen, at naradu chi  sa proposta de costitutzione noa chi est leende in cunsideru  su guvernu de sas  Ìsulas  Fær Øerest incumpatìbile  cun sa costitutzione danesa e  sas duas costitutziones non diant  pòdere coesìstere”. Rasmussen pessat chi su testu  andat contra a artìculos fundamentales de sa costitutzione danesa e chi,  si in casu l'aprovant, sas  Ìsulas  Fær Øer diant dèvere proclamare s'intentzione issoro de decrarare s'indipendèntzia dae sa Danimarca”. Pro parte sua, su primu ministru de sas Fær Øer , Kaj Leo Holm, at naradu in una riunione cun Rasmussen chi  issos non chernt s'indipendèntzia “imediada”,  e chi diat tocare a modificare sa proposta.

Una costitutzione cuntierrosa

Sa costitutzione  de sas Fær Øer est istada una proposta de su guvernu  essidu dae sas eletziones de su 2008, una coalitzione  intre su Partidu Populare-indipendentista- su Partidu de s'Unione  e su  Partidu Sotzialdemocràticu -unionistas-. Sa proposta prevediat sa cunvocatzione de unu  referendum subra de sa costitutzione in s'annu 2010, chi però l'ant tasidu prus de una bia  e como non tenet una data  cuncreta. Belle gasi sas tensiones subra de su testu costitutzionale sunt istadas medas a beru  in sos ùrtimos annos. Sa resone prus manna de sa cuntierra  intre sos duos guvernos est su puntu  in ue si narat chi  “ totu su podere de su paisu est in manos  de su pòpulu de sas  Fær Øer ” e finas su fatu chi non si faghet mai riferimentu  a sa costitutzione danesa o a su Commonwealth. Sos partidos de sas Fær Øer, pro parte issoro, narant chi sa  proposta de costitutzione devet andare a dae in antis,e sa ghia polìtica   de su partidu  indipendentista Repùblica at naradu chi  “amus a fàghere sa costitutzione nostra e custa at a èssere sa   base pro negotziare cun sa Danimarca in su tempus vendore”. De àteru ghetu, su prus  de  sos partidos danesos  bident custa  proposta comente  “ s'anticàmera  de s'indipendèntzia ”.

Sas Ìsulas  Fær Øer comente natzione

Su progetu  de costitutzione est una cunseguèntzia  de s'acordu  chi ant fatu sos guvernos de Fær Øer  e de Danimarca, in s'annu 2005, moende dae su Protocollu  n. 58 de su 24 de làmpadas de su  2005, chi introduiat unu modellu nou  de autoguvernu  pro su paisu atlànticu. Sas cumpetèntzias noas  tramudadas a sas Fær Øer includiant giustìtzia, passaportos, fronteras, seguràntzia. Su protocollu, in prus,  cunsìderat sa limba de Fær Øer comente  sa limba printzipale de sas ìsulas,  e sas Fær Øer etotu  comente  una natzione, macari chi su danesu  mantèngiat  su matessi pesu  in sa vida ufitziale. B'at finas de nàrrere chi, in sos ùrtimos annos, sas Ìsulas ant abertu rapresentàntzias  in  Londra, in  Reykjavík e in s'Unione  Europea, e ant mantesu cuntatos e fatu acordos  cun s'ONU  e cun sa NATO.


#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]