bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

04/07/2011

Iscola de sardu in Bartzellona

In sa sede de s'Assòtziu de sos sardos  intituladu a San Salvador D'Horta

Su bator de maju coladu est cumintzadu in Bartzellona
su primu cursu de limba sarda. Su  patronadu l'at dadu
de s’Assessoradu de sa Culturale de sa Regione sarda.
S’initziativa l'at presentada Silvia Russu, chi
istùdiat in s’Universidade de Tàtari, s’interessat de comunicatzione
e giornalismu ma como est faghende
praticantadu in s’ Assòtziu de sos Sardos de Bartzellona.
E est pròpiu in sa sede de s’Assòtziu intituladu a “San
Salvador D’Horta
”, chi est nàschda s’iscola de sardu
pro 10 istudentes, su prus giòvanos emigrados sardos chi
sunt istudiende e traballende in sa capitale catalana.
Ma in su cursu b’at finas tres catalanos: unu giornalista,
un’istudente universitàriu e una mere de domo apassionada
de limbas. Sas duas letziones sa chida las at fatas,
in sardu, su dr. Giagu Ledda, istudiosu de limba sarda
e anestesista in s’ospidale de Terrassa. Su dr. Micheli
Ladu
, funtzionàriu de s’isportellu linguìsticu de s’assessoradu
de sa Cultura de sa Ras, at presentadu sas
primas tres dies de su cursu.
Finas su presidente de s’Assòtziu de sos Sardos, s’avogadu,
Raffaele Melis, est istadu cuntentu mannu de
su resurtadu “cun s’isperu de pòdere fàghere unu segundu
cursu pro aprofundire s’istùdiu de su sardu
”.
Sas letziones sunt agabbadas su 9 de làmpadas, finas cun
una chena a base de produtos sardos.
A promòvere su sardu in sa tzitade incantadora de
Bartzellona, in ue est presente una comunidade manna
de sardos, est unu passu in prus pro s’ufitzializatzione
e normalizatzione de su sardu. In prus, est unu progetu
particulare e de importu chi afortit galu sas relatziones
giai mannas intre Sardigna e Catalugna.

[dae Eja maju 2011]

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]