bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

29/06/2011

Sa trampa de sos cuntributos silentes

de Giuanne Frantziscu Pinna

S’A.N.C.O.T. (Assòtziu Natzionale Consulentes
Tributàrios) at denuntziadu sa trampa de
su sistema previdentziale a dannu de sos traballadores
parasubordinados. Sos “cuntributos
silentes” sunt sos cuntributos previdentziales
chi no ant fatu cumprire unu tratamentu pensionìsticu
(in pràtica sos cuntributos chi non
bastant a dare deretu a una pensione, e duncas
chie los at versados los perdet). Sas categorias
interessadas a custu problema sunt precàrios,
parasubordinados, professionistas lìberos chi
non sunt iscritos a un’Òrdine professionale, e
fèminas medas chi ant dèvidu lassare su traballu
a pustis de pagos annos pro si dedicare
a sos antzianos o a sos fìgios. Su problema no
est tantu de sos chi tenent binti annos, ca s’edade
mèdia de sos belle 2 milliones de iscritos a
sa gestione separada de s’Inps est difatis de 41
annos pro sos òmines e de 36 pro sas fèminas:
professionistas lìberos e parasubordinados chi
sos cuntributos issoro sunt impreados pro pagare
sas pensiones de totu sos àteros dipendentes.
Est unu sistema chi una bia de prus mustrat
de èssere fatu pro chie tenet totu sas garantzias,
contra a sos dèbiles dae unu puntu de vista
cuntratuale. Sos cuntributos versados dae custas
categorias sunt belle 8 milliardos s’annu a
cunfrontu de sos treghenta mìgia de èuros erogados
pro sas pensiones de sos chi sunt resurtados
a la cròmpere.
Unu mèdiu contra a custa ingiustìtzia
B’at una proposta de lege presentada in sa
Camera chi diat chèrrere pònnere mèdiu a custa
ingiustìtzia. Sa proposta, in pagas paràulas,
narat chi si sos cuntributos versados non dant
deretu a una pensione, o su tantu de sa pensione
cròmpida est tropu bassu, totu sos cuntributos
versados devent torrare in forma de licuidatzione
ùnica. Est una proposta de bonu sensu
chi pertocat mìgias de pessones finas in Sardigna
in ue, medas de custas s’ant a agatare sena
pensione, o cun una prestatzione pensionìstica
chi no l’at a permìtere una bida dinna de custu
nùmene. Torrare sos cuntributos totu a una bia
in s’edade chi unu andat in pensione, diat èssere
un’atu de giustitzia sotziale e econòmicu.
Giuanne Frantziscu Pinna
dae eja maju 2011































#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]