bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

21/06/2011

Pro nois est naturale a èssere ispirados dae sa cultura nostra

Intervista de Giovanna Cottu a Momak, de su grupu musicale sardu Menhir

Tenimus sa curiosidade de connòschere de prus su
grupu nugoresu “Menhir”. Pro casualidade los amus
intesos cantende annos a como in s’anfiteatru de Nùgoro
e nos est agradadu meda ca sas paràulas de custa
mùsica “hip hop” fiant in sardu. Amus sa bonaura de
nde faeddare cun unu de issos: Momak.


■■ Comente est nàschidu su grupu de sos “Menhir”?
Su grupu de sos Menhir est formadu dae mene e
dae Kappa. Ambos duos semus crèschidos cun custa
mùsica, Kappa at cumintzadu in su 1985 e deo in
su 1989 a frecuentare su salone parrochiale de Santu
Giosepe in ue si faghiant garas de “break-dance”.
Amus cumintzadu gasi e, creschende, amus pessadu
de nos unire pro formare su grupu de sos “Menhir”.
■■ Cando est nàschidu?
Sos “Menhir”, nugoresos, ambos duos “b-boys”
(pitzinnos chi ballant sa “break dance”), nos semus
formados in su 1997. Dae tando amus publicadu cun
s’eticheta “S’ard Music”. Ma dae como a dae in antis
amus a tènnere una eticheta nostra pro nos publicare
sos discos.
■■ Ite mùsica faghides?
Su gènere de mùsica chi faghimus est “hip hop”.
Su “hip hop” est unu movimentu chi includet sa “break
dance”, sos “writers”, sos dj chi faghent “scratch” e
sos M.C. o “Masters of Ceremony” est a nàrrere sos
“rappers”.
■■ Pro ite custu nùmene?
Su Menhir est unu sìmbulu importante, una pedra firma,
antiga. Sa pedra sola chi nudda e nemos bi nche
l’at fata a nche la ghetare. Una pedra chi s’agatat in
Sardigna e finas in àteras partes de su mundu comente
sa mùsica “hip hop”. Si narat “tostu che pedra” ca in
sa matessi manera s’intendet su grupu de sos Menhir.
■■ Su “hip hop” bostru influentziadu dae àteros
gèneres musicales est?
Pro nois est naturale a èssere influentziados dae sa
cultura nostra. Nois nos intendimus ispirados dae sa
mùsica de sos tenores, nos agradant meda sas tècnicas
issoro, sa manera issoro de cantare. Podimus nàrrere
chi nos diat agradare a riproduire sas boghes, duncas
su “bassu” e sa “contra” e totu sa musicalidade chi
trasmitent.
■■ Pro ite in limba sarda?
Ca est sa limba nostra chi impreamus pro espressare
su chi intendimus de nàrrere in sas cantzones.
■■ Cales sunt sos temas chi tratades?
Nois tratamus temàticas chi pertocant sa vida de cada
die, sas problemàticas sotziales, duncas su traballu o,
si cherimus, sa mancàntzia de traballu pro sos giòvanos
. Si moet dae sa mùsica e, cunforma a s’ispiratzione,
s’arribbat a sas paràulas, si creat gasi su tema e
naschet sa cantzone.
■■ Cales influèntzias internatzionales bos ant giutu a
isseberare custu gènere musicale?
Prus de totu sa mùsica “Funk” e su “Jazz”. Finas su
“Raggae” e sa “Black Music”. Musitzistas mannos comente
a Miles Davis, Grandmaster Flash, Bob Marley.
■■ Cale est su pùblicu chi bos ascurtat?
Su pùblicu est a beru de cada edade, e, mancari non
siant apassionados de su “hip hop”, nos ascurtant ca
cantamus in sardu. Custu gènere de mùsica at crèschidu
meda, s’est evòlvidu, est in unu livellu artu meda in
totu su mundu, e Nùgoro l’at retzepidu bene.
■■ Progetos importantes pro su tempus venidore?
Emo. Paris cun àteros artistas Mega, Gamo, dj Kork,
tenimus unu progetu musicale importante meda.
Si narat “0784”, pro fàghere acurtziare de prus sos
pitzinnos de Nùgoro chi sunt giai in mesu de custu
gènere de mùsica e chi tenent talentu.
Sos giovanos chi s’ acurtziant a su rap e cherent fàghere
sas cosas in manera sèria, in custu progetu podent
agatare una genna aberta. Devimus nàrrere chi sos
“rappers” tenent sa possibilidade de s’espressare cun
s’ “hip hop” sena àere fatu su cunservatòriu, e duncas
est una mùsica aberta a totus.

Mi paret chi no amus bisòngiu, pro como, de andare a
New York pro ascurtare in sas carreras de su Bronx su
“hip hop” o assìstere a un’ispetàculu de “break dance”
cun sos “b-boys”. Nos bastat a andare a unu cuntzertu
de sos “Menhir”, inoghe in Nùgoro.




















































































































































































#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]