bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

11/06/2011

Acordu intre su Cussìgiu de Europa e su Tajikistan

Si faeddat finas de tutela de sas minorias natzionales e de sas limbas minoritàrias

'' Cunsiderende su profetu, sotziale e polìticu, chi nde tirant sos paisos  chi adderint a su Cussìgiu de Europa, su Tajikistan si cheret cumportare comente chi nde fatzat parte, macari non siat situadu  in su Continente''. Gasi narat unu comunicadu de su Coe,  crarende chi,  in un'addòviu chi b'at àpidu in custas dies  in Istrasburgu,  su presidente de su Tajikistan  Emomali Rahmon at pedidu  a su segretàriu  generale Thorbjorn Jagland de pòdere aplicare  in su paisu suo sas cunventziones chi pertocant sa tutela de sos  deretos umanos, sa democratzia e s' istadu de deretu.
Si tratat de su primu resurtadu  de una polìtica  chi punnat a estèndere sa cooperatzione   prus in gasi de sas làcanas de Europa, e de sa cale fàghere benefitziare  finas sos  ''bighinos '.
Jagland e  Rahmon ant detzìdidu  de mantènnere  unu diàlogu sighidu, finas a livellu  parlamentare, pro megiorare sa polìtica  de su paisu asiàticu  in setores delicados in ue su Cussìgiu de Europa tenet esperièntzia meda, comente  sa tutela de sas minorias  natzionales e de sas limbas minoritàrias, sa  preventzione de sa trata de èsseres umanos, sa  gherra a su terrorismu  e a sa criminalidade informàtica.
Su Tajikistan tenet finas bisòngiu de un'atualizatzione  de sa costitutzione e, mescamente, de  una riforma de su sistema penitentziàriu.
A pustis de sas riformas prus urgentes, b'at in programa un'addòviu cun sos funtzionàrios  de sa Diretzione de sa Cultura e de su Patrimòniu  de su  Cussìgiu de Europa, pro megiorare in Tajikistan sos setores de s'educatzione, de s' isport e de sas atividades de sos giòvanos.


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]