bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

24/05/2011

Avantzada natzionalista in su Paisu Bascu

Bildu, su PNB e UPN triunfant in sas eletziones

Bildu est su protagonista mannu  de custas ùrtimas votatziones in su Paisu Bascu. Sa coalitzione  de Eusko Alkartasuna, Alternatiba e sos  indipendentes de sa manca abertzale at bintu sas eletziones in sa  Junta General de Guipúscoa, est segunda in sa  de Biscaia, sa de tres in sa de Àlaba  e sa de bator in su  Parlament de Navarra.In  Euskadi, Bildu est sa fortza cun prus cussigeris  e su PNB sa prus  votada. Una resessida bona a beru de su natzionalismu bascu. In  Navarra, su baschismu at otentu  15 de sos 50 iscannos a disponimentu. Sa fortza prus  votada est istada sa  Unió del Poble Navarrès (UPN), chi at agguantadu  bene a beru sa cuncurrèntzia  de su PP.

A su parlamentu de  Navarra intrant  ses listas diferentes. UPN, cun  19 iscannos, est sa prus  votada, in dae in antis meda de su  PSN-PSOE, chi nde tenet  9. Nafarroa Bai (sa coalitzione chi nde faghent parte  Aralar, su PNB e sos  indipendentes de Uxue Barkos) abbarrat cun  8.  Bildu nde balàngiat 7. Su PP tenet unu resurtadu discretu: 4 deputados. Sa lista cungiunta  de Esquerra Unida e Batzarre nde tenet 3.

Sigomente su  PSN-PSOE at naradu chi no est dispostu  a si pònnere de acordu cun Bildu, paret chi s'ùnicu possììbile in custu mamentu  siat unu guvernu de UPN cun s'amparu sotzialista. Su blocu indipendentista chi ant a formare Nafarroa Bai e Bildu s'at a cambiare,est previdìbile, in su referente oposidore de sa càmera de Pamplona.

In Euskadi, s'apoderamentu  de Bildu est istadu ispetaculare  in Guipúscoa, in ue at bintu sas eletziones  in sa Junta General (22 iscannos de unu totale de 51). Pro guvernare,  Bildu at bisòngiu de si pònnere de acordu cun su PNB (14 iscannos) o cun su  PSE-PSOE (10). Su PP abbarrat cun 4 e  Aralar, cun  1. In  Biscaia, est su  PNB su prus votadu, cun 22 deputados, de 51, in sa  Junta General. Podet otennèere sa majoria cun Bildu (12), cun su  PSE-PSOE (9) e finas cun su PP (8). In  Àlaba su panorama abbarrat meda prus abertu: su  PP tenet una majoria dèbile de 16 deputados, de unu totale de 51, e li diat bisongiare un'acordu  cun su  PNB (13 iscannos) pro guvernare. Su PSE-PSOE nd'at otentu  9 e, duncas, non faghet  majoria cun su PP. Bildu nde tenet 11 e Esquerra Unida 2.


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]