bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

14/05/2011

Assemblea de s' Assòtziu europeu de sos cuotidianos in limbas minoritàrias  e regionales

L'ant fata in Bolzano/Bozen

S'Assòtziu europeu de sos cuotidianos in limbas minoritàrias  e regionales (Minority Dailies Association - Midas) at fatu sa de ùndighi assembleas generales suas  in s 'Accademia europea de Bolzano/Bozen. Su presidente de  Midas, Toni Ebner e su segretàriu generale Guenther Rautz ant ghiadu  sos traballos de sa cunferèntzia. In mesu de sos relatores b'aiat su diretore  de s'Istitutu pro s'isvilupu regionale e sa gestione  de su territòriu de s'Eurac, Harald Pechlaner, Martha Stocker, vitzepresidenta de sa Regione Trentino Alto Adige/Süd Tirol, su coordinadore de Bbt (Tunnel de base de su Brènneru) Konrad Bergmeister, s'europarlamentare Herbert Dorfmann e su giornalista catalanu Estanis Alcover. Sas relatas ant interessadu  temàticas ligadas a sas minorias. In prus de s'eletzione  de su cussìgiu diretivu nou, Midas at dadu su bene bènnidu a Glos Ludu, su giornale nou de sa minoria  polaca in sa Repùblica Tzeca, su de trinta cumponentes de s'assòtziu. Cando sunt agabbados sos traballos, ant cunsinnadu  su prèmiu  Otto von Habsburg a Peter Meier-Bergfeld, pro annos medas  currispondente dae s' Àustria e dae s'Europa meirdionale pro su Rheinischer Merkur (Germània). Reinhard Olt, redatore de sa Frankfurter Allgemeine Zeitung, binchidore de un'editzione colada de su prèmiu, at fatu su discursu  de  premiatzione.

#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]