bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

18/04/2011

Sos Istados Unidos de Amèrica difendent s'immersione linguìstica catalana 

Lu faghent in su raportu annuale 2010 subra de sos deretos umanos

Sos Istados Unidos  difendent s'immersione  linguìstica catalana in  su Raportu  annuale subra de sos deretos umanos  de su 2010, presentadu dae sa Segretària de Istadu Hillary Diane Rodham Clinton (in sa fotografia).

Su  dipartimentu de Istadu nord-americanu cunsìderat chi "b'at àpidu  casos chi sos chi faeddant in catalanu ant espressadu  preocupatzione pro su fatu chi  sa limba  catalana non retzit  su  matessi tratamentu de favore".

In custu sensu, su raportu ponet in craru chi "siat su guvernu  anteriore siat  su guvernu atuale ant difesu  su modellu  educativu esistente e sustenent chi sa detzisione de su Tribunale Supremu, chi decrarat s'ispagnolu  limba veiculare, si riferit  a tres casos concretos e chi  tocat a non cambiare  sa política linguìstica  catalana. Sos leader catalanos in favore de su modellu atuale de immersione  afirmant chi sos alunnos arribbant a tènnere su matessi  gradu de connoschèntzia de su catalanu  e de s'ispagnolu”.

In prus, a propòsitu de sos esàmenes  de catalanu pro sos professores  universitàrios, su raportu narat chi “su decretu cunsentit chi sas universidades  esimant dea custu recuisitu  su  personale de chirca de dedicatzione  esclusiva o sos professores chi insinnant in una limba istràngia. Pro non pèrdere  professores cun  talentu, sas universidades  podent, in unos cantos casos, tasire  s'esàmene finas a duos annos  a pustis de sa data de sa cuntratatzione efetiva".

Ligàmenes:

http://www.state.gov/g/drl/rls/hrrpt/2010/eur/154452.htm

http://politica.e-noticies.cat/els-estats-units-rectifiquen-les-critiques-a-la-immersio-linguisitca-52193.html

 



#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]