bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

28/02/2011

Ant a insinnare sa limba Rapa Nui in s'Isula de Pasca.

L'at detzisu su ministèriu de s'istrutzione de Tzile

Su ministru de s'istrutzione de Tzile Joaquín Lavín at visitadu s'iscola   Lorenzo Baeza Vega, in s' Ìsula de Pasca, pro faeddare cun sa comunidade Rapa Nui e firmare una cunventzione chi at a permìtere a sos istudentes de custu istitutu  de fàghere totu sas letziones in limba Rapa Nui.

Su programa si narat  Immersione in sa Limba Rapa Nui. Cumintzat ocannu. At a permìtere a sos istudentes dae su primu a  su cuartu  básico,  e a  calicunu de prebásica, de fàghere sas letziones in sa limba pròpia issoro. Sos insinnantes ant a èssere oriundos de s' Ìsula. Belle gasi, matèrias che a limbas e matemàtica  las ant a istudiare finas in ispagnolu, pro non pèrdere cuntenutos didàticos chi sunt valutados cun sa proa  Simce.

Sos àteros istudentes de s'iscola  ant a fàghere sa letziones in ispagnolu, però in su programa de istùdiu b'at a èssere finas sa limba Rapa Nui, cun bator oras a chida.

“Su chi cherimus fàghere, est a riscatare sa limba  e sas traditziones de su pòpulu Rapa Nui, a manera chi non si perdant. Custa est a beru una noa galana pro totu sa gente de s'Isula”, at naradu su ministru Lavín.

Durante s'atividade, e in cumpangia de sos ministros de sas òperas pùblicas  e de sos benes natzionales, su titulare de s'istrutzione at partetzipadu a una letzione  in limba  Rapa Nui, paris cun professores e iscolanos de s'Isula.

In prus, su responsàbile de su bilàntziu  at visitadu su bidditzolu educativu de s' Ìsula, in ue istudentes de s'iscola mèdia tècnicu professionale si ispetzializant  in duos setores importantes de isvilupu: su turismu e e su cumpartu agrupastorale.

Custos duos setores sunt istados potentziados dae su ministèriu de s'istrutzione, chi at dadu  fiinantziamentos pro comporare  materiales fundamentales,  comente elaboradores, màchinas fotogràficas, telecàmeras e atetzaduras pro s'agricultura e su pastoriu.

 


#Sarvadore Serra

» in segus

Ùrtimos PÀRRERES inseridos

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]

LIMBA SARDA E FACEBOOK: UN'OCASIONE

de Diegu Corràine

Su 18 de abrile de su 2006, su situ de sa Regione sarda publicaiat su documentu de sas Normas linguìsticas de riferimentu a caràtere isperimentale de sa “Limba sarda comuna”, adotadas galu como in documentos de sa Regione, dae entes locale e privados, in s'editoria e in sos...  [sighit]