bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

02/01/2011

Lìtera a su Dipartimentu de Istadu de sos Istados Unidos de Amèrica

L'at imbiada su Comitadu pro sa limba sarda in defensa de sa limba nostra

Su Comitadu pro sa limba sarda at imbiadu una lìtera a su Dipartimentu de Istadu de sos Istados Unidos de Amèrica, pro protestare contra a sa discriminatzione de sa limba nostra.
Custu est su testu in sardu:

A s’atentu gentile
de Maria Otero
Sutasegretària de Istadu pro sa democratzia e sos Afares Generales

U.S. Department of State
2201 C Street NW
Washington, DC 20520

e pro connoschèntzia
de Michael H. Posner
Assistente Segretàriu de Istadu
Ufìtziu de presidèntzia pro sa democratzia, sos deretos umanos e de su traballu
Dipartimentu de Istadu de sos Istados Unidos de Amèrica

Sennora Sutasegretària,

Su Comitadu pro sa Limba Sarda, assòtziu pro sa defensa de sos deretos linguìsticos de sa natzionalidade sarda, L’iscriet pro denuntziare sa violatzione fata dae s’Istadu italianu de sos deretos linguìsticos de custa comunidade, cun s’esclusione de sa limba sarda dae s’insignamentu in sas iscolas e cun àteras pràticas negativas contra a s’identidade linguìstica e culturale sarda, chi arriscat s’estintzione.

Sa limba sarda, chi tenet reconnoschimentu internatzionale comente limba pròpia de sos sardos, dae sa lege de s’istadu n. 482 de su 15 de nadale de su 1999 de tutela de sas minorias linguìsticas istòricas, in atuatzione de s’art. 6 de sa Costitutzione de sa Repùblica italiana e dae sa lege regionale n. 26 de su 1997, no est imparada e insignada in sas iscolas, est esclùdida dae sos mèdios de informatzione pùblicos e privados, in s’amministratzione pùblica e in sa sanidade. Pro custu, arriscat de mòrrere in sos annos venidores, mancari siat faeddada e istimada dae sa majoria manna de sos sardos.

Duncas, Li pedimus de valutare custa situatzione, a manera de otènnere sos èsitos de un’indàgine bostra possìbile, in su raportu subra de sos deretos umanos in su 2010 chi pertocat s’Itàlia e, s’in casu, de fàghere totu sos passos e atos netzessàrios chi ais a cunsiderare oportunos pro garantire a sos sardos s’impreu normale e paritèticu de sa limba sarda cun sa limba italiana, s’insignamentu suo in s’iscola (cumintzende dae s’iscola primària), comente deretu umanu prioritàriu chi oe nos est negadu e sa fine de cada discriminatzione linguìstica.
A custa comunicatzione, allegamus sos comunicados istampa de su Comitadu emìtidos su 10 de nadale de su 2010 in ocasione de sa “Die mundiale de sos deretos umanos - Human right day 2010 ” proclamada dae sas Natziones Unidas pro cumintzare una protzedura de reclamu.
In prus allegamus su testu de sa protesta pùblica manifestada dae su Comitadu pro sa limba sarda subra s’atuatzione mancada de sa “Cunventzione cuadru pro sa protetzione de sas minorias natzionales”, aprovada dae su Cussìgiu de Europa su 1 de freàrgiu de su 1995 e ratificada dae su Presidente de sa Repùblica italiana su 15 de santandria de su 1997.
Semus a disponimentu pro cale si siat informatzione chi bos at a pàrrere netzessària.

Seguru chi nos ais a leare in cunsideru

pro su Comitadu

su Coordinadore

Mario Carboni

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]