bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

20/12/2010

Chimbe annos de domìniu  .cat

Unu fenòmenu ùnicu in su mundu

Su  .cat est galu s'ùnicu domìniu de internèt dedicadu a una cultura e a una natzione sena istadu. 
Si tratat de unu privilègiu, si si pessat a sa detzisione reghente de cungelare sos domìnios noos, in mesu de sos cales bi sunt sos chi cherent sighire sas orminas de sos catalanos, che a .quebec o .scot.
Sa Fundació puntCAT at ischidu de custa detzisione in s'ùrtima riunione de s' ICANN  (Internet Corporation for Assigned Names and Numbers). Su diretore de sa fundatzione, Jordi Iparraguirre, at naradu chi sa chistione s'est cumplicada ca ant istandardizadu  su protzedimentu de cuntzessione de sos domìnios noos.
Sunt chimbe annos chi, gràtzias a s'impulsu de sa Fundació puntCAT, est istadu registradu su domìniu  .cat, dedicadu a sa comunidade culturale e linguìstica catalana. Sena làcanas, ca est istadu propostu  comente domìniu genèricu e non territoriale, che a su de sos istados.
Totu sas entidades chi gestint domìnios genèricos tenet deretu de votu in s'ICANN. Est pro custu chi sa  Fundació puntCAT at leadu parte, sa chida colada,  in sa riunione  de custu organismu chi ant fatu in Colombia, pro arresonare, in mesu de s'àteru, de s'aprovatzione de estensiones noas pro sos indiritzos  de sa rete manna.
In mesu de sos àteros puntos, in custa riunione at detzisu de cungelare, pro como, s'aprovatzione de domìnios noos de caràtere genèricu, comente sunt tzertos  chi diant dèvere devènnere sos omòlogos de su  .cat in  àteras comunidades.
In s'ìnteri, a livellu europeu, s'est costituida sa ECLID ( Euopean Cultural & Linguistic Internet Domains ), formada dae sos  .bzh (brètone), .cym (gallesu), .eus (bascu), .gal (galitzianu) e  .scot (iscotzesu) venidores. A dolu mannu, de custu assòtziu no nde faghent galu parte sos sardos.

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]