bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: GLOSSÀRIU
cumpartzi custa noa cun sos amigos tuos invia mail stampa

GLOSSÀRIU


23/11/2010

NORMALIZATZIONE LINGUÌSTICA

de Diegu Corràine

Sa normalizatzione linguìstica est s'atzione chi cunsentit a sa limba pròpria, a sa limba istòrica de una natzione, de èssere presente in manera normale in sa sotziedade e in su territòriu, comente limba ufitziale, a sa sola o paris cun àteras.
A su sòlitu, sa norrmalizatzione est praticada dae guvernos o autoridades polìticas chi òperant pro fàghere colare una limba determinada dae una cunditzione de diglossia e inferioridade a una de paridade, libertade, isvilupu universale e modernidade. Pro cumprire custa atzione sos guvernos elàborant e pràticant una polìtica linguìstica, cun s'agiudu de leges apòsitas, chi istabilint risorsas linguìsticas, sientìficas, umanas e econòmicas, adeguados a otènnere unu resurtadu prenu.

Pro assegurare s'impreu normale de sa limba pròpia, univocu e universale pro totu sos utentes e entes, in su tempus e in s'ispàtziu, sas autoridades guvernativas elàborant (cun s'agiudu de espertos o cumissiones) e adotant normas iscritas de riferimentu ortogràficas, lessicales e terminològicas. Custa atzione si narat normativizatzione linguìstica o istandardizatzione linguìstica.

In su casu sardu, una normalizatzione prena s'otenet atuende sa presèntzia de sa limba in totu sos àmbitos e impreos, individuales e colletivos, sotziales e territoriales: pro mantènnere sa presèntzia e sa fortza chi tenet (su 70% de sa gente manna lu pràticat) ma finas pro recuperare totu sa gente chi l'at pèrdidu (petzi su 13% de sos pitzinnos pràticat su sardu), pro arribbare a su 100% de sa gnete chi lu faeddat.

Sos Sardos tenimus unu deretu istòricu, culturale e democràticu a sa reintegratzione linguìstica e a sa normalizatzione linguìstica.

#Diegu Corràine

» in segus