bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


18/12/2012

Literadura e Limba sarda: mustra de libros e cunfrontu de espertos

Otieri 20 e 21 Nadale de su 2012

S’Istitutu Bellieni de Tàtari organizat un’addòviu dedicadu a unu cunfrontu intre Literadura e limba sarda in Otieri su 20 e 21 de nadale 2012 (ex tzentrale elètrica, c. de Veneto). In custa ocasione, pro duas dies, b’at finas una Mustra de sos libros in sardu presentados dae custas sotziedades editoriales: Domus de Janas, Edes, Grafica del Parteolla, Papiros, Delfino, Della Torre, Iskra, Condaghes, Alfa.

B'ant a èssere addòvios de iscritores e editores cun sos pitzinnos de sas iscolas elementares e mèdias. Ant a èssere presentados libros e promòvidos laboratòrios didàticos  dae sos operadores linguìsticos de sa Provìntzia de Nùgoro e de Tatari.

B’at a èssere finas un’ammentu pro Giuanne Frantziscu Pintore cun una rètzita de branos bogados dae s’òpera sua "Su Zogu" cun intramesos musicales de su musitzista Gianluca Dessì.

Pro cuncruire, b'at a èssere unu cunfrontu subra de sa literadura sarda cun chistiones, pàrreres e sentidos.

Custu est su programa cumpretu chi nos at imbiadu s’Istitutu Bellieni:

Giòvia 20 de Nadale

10.00

Abertura de Logudoro Limba

Presentada e saludos:

Avv. Sergio Milia Assessore regionale alla Cultura

Dott. Lino Mura Assessore alla Cultura Provincia di Sassari

Dott.ssa Maria Doloretta lai  Presidente Istituto Bellieni

Dott. Leonardo Ladu Sindaco di Ozieri

Dott.ssa Giuseppina Sanna Assessore alla cultura Comune di Ozieri.

Dott. Giorgio Rusta  Operadore de s’isportellu linguìsticu

11.00

Su Sardu addòviat sos piseddos.

Addòvios de iscritores in limba sarda cun sos pitzinnos de sas elementares e mèdias de sos istitutos cumprensivos de su Monte Agudu.

(Elena Pes- Mariantonietta Piga)

15.30

Libros e Contos pro sos piseddos de s’iscola de s’infàntzia de su Monte Agudu

Laboratòrios didàticos in limba Sarda

Operadores de sa Provìntzia de Nùgoro e de Tàtari

17.30

Presentada de libros

“Coro” a incuru de Mariantonietta Piga

“Ammentos de Nughedu” a incuru de Valentina Culeddu e Micheli Pinna

19.00

Rètzita de branos bogados dae s’òpera de Giuanne Frantziscu Pintore “Su Zogu”  e dae àteras operas suas

Intramesos musicales de Gianluca Dessì

Chenàbura 21 de Nadale

11:00

Cunvegnu dibatitu:

Giòvanos e literadura. Sos pitzinnos de sas iscolas superiores cara a sa literadura sarda. Ite b’at, ite mancat, ite tocat de fàghere.

Pàulu Pillonca, Frantziscu Cheratzu, Diegu Corràine, Paolo Cossu, Antoni Canalis (diretore de su prèmiu Otieri)  

15.00

Laboratòrios didàticos in limba Sarda

A incuru de sos operadores de sa Provìntzia de Tàtari

17.30

Cunvegnu addòviu

Literadura Sarda: chistiones,  pàrreres e sentidos.

Micheli Pinna

Giuseppe Corongiu

Nanni Falconi

Franco Cocco

Paolo Pillonca

Ghiat sos traballos: Antoni Canalis

Partètzipant cun cantigos e sonos su Tenore “Giuanne Maria Angioi” de Bono


#Diegu Corràine

» in segus