bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


07/09/2012

Sa tzelebratzione de sa "Diada Nacional de Catalunya" in S'Alighera

La faghent s'ùndighi e su dòighi de cabudanni

Custu est su programa de sas manifestatziones chi faghent in S'Alighera in ocasione de sa Die Natzionale de Catalugna.

S'ùndighi de cabudanni, a sas sete de sero, b'at un'omàgiu  a sa limba dae bandas de sos pitzinnos de S'Alighera, in collaboratzione  cun sa Ludoteca Anglinglò, in dae in antis de su Monumentu a s'Unidade de sa Limba Catalana.

Pustis (a sas sete e mesu), in sa Corte  de sa Crèsia de Santu Frantziscu, sa  professora Rosa Delor, de su “Centre de Documentació i Estudi Salvador Espriu” de Arenys de Mar, at a tènnere una cunferèntzia cun su tìtulu de “Salvador Espriu i l’Alguer”, acumpangiada dae sa letura de poesias de s'autore catalanu  dae bandas de Franca Masu.

Su dòighi de cabudanni, a sas sete de sero, in sa  Sala Manno de sa Mediateca de sa "Società Umanitaria" (Cerrera de Marconi, 10), ant a projetare su curtzumetràgiu  “Barcelona en dos colors” de su regista sardu Albertu Diana. Pustis b'at unu dibàtidu subra de sa pellìcula, cun sa presèntzia de Albertu Diana e de Raffaele Pinto, professore de literadura italiana in s'Universidade de Bartzellona.


#Sarvadore Serra

» in segus