bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


08/05/2012

Sa limba sarda in sa Fiera de su Libru de Torino

Libros, materiales didàticos e cunfrontu de ideas

In Torino, pro su de 25 Salones Internatzionales de su Libru, su 12 de Maju, in die de sàbadu, intre sas relatas de prus importu de sa rassigna, b'at a èssere finas sa Limba Sarda. Difatis, a sas 10 mangianu, su Servìtziu limba sarda de sa Regione s'at a incurare de presentare sas cartas geolinguìsticas e toponomàsticas de Sardigna, acumpridas pro more de sos progetos ATS (Atlante Toponomàsticu sardu) sa Carta de sas minorias linguìsticas sardas). A sas 11, cunferèntzia aberta subra sa Carta Europea de sas Limbas Regionales e Minoritàrias. S'assessore Sergio Milia at a introduire, printzipiende sos traballos. 
Ant a intervènnere: Laurent Vierin (assessore de sa Regione Badde de Aosta), Ines Cavalcanti (otzitanos de Piemonte --Chambra d'Oc), Giosepe Coròngiu (Regione Autònoma de Sardigna); Marco Viola (Provìntzia autònoma de Trento); Càralu Zoli (Fundatzione Small Codes). A merie, a sas tres e mesu, presentada de sas tradutziones in limba sarda de òperas literàrias; a sas chimbe e mesu presentada de sas òperas didàticas multimediales e de su cartone animadu "Pimpa", dopiadu in limba regionale. A sas sete de sero, si serrat sa die presentende su CROS, Curretore Ortogràficu Regionale de sa limba sarda. S'ammàniu de totu est contivigiadu dae Giosepe Coròngiu e dae Cristianu Becciu.

#Diegu Corràine

» in segus