bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


13/01/2012

S'Addòviu escursionista de sos Paisos Catalanos

Ocannu l'ant fatu in S'Alighera

Est andadu bene a beru su “Aplec Excursionista dels Països Catalans” (Addòviu Escursionista de sos Paisos Catalanos), editzione 35, chi ocannu l’ant fatu in S’Alighera.
S’addòviu l’ant fatu, pro sa prima bia, in sa tzitade de  Sardigna in ue si faeddat su catalanu, e l’at ammaniadu  su Tzentru  Escursionista de S’Alighera, in s’agabbu de chida de Totu sos Santos. In custa manifestatzione ant leadu parte unos 1.000 escursionistas chi beniant dae su restu  de sos territòrios in ue si faeddat su catalanu (Printzipadu de Catalugna, Paisu Valentzianu, Ìsulas Baleares, Andorra e Catalugna Nord), chi sunt abbarrados ispantados dae su  potentziale paisagìsticu e culturale de s’ìsula de Sardigna. Tocat a bantare su traballu enorme e bonu a beru fatu dae su Tzentru Escursionista (minore ma ativu) de S’Alighera, chi at propostu  a sos visitadores catalanos unu programa pròpiu cumpletu de atividades e escursiones: arresonadas a pitzu de s’istòria de sa cultura sarda, passigiadas  a pee e in bitzicleta in su territòriu  de su Nord Sardigna, vìsitas ghiadas in S’Alighera Antiga, chenas traditzionales, ballos populares de amistade sarda-catalana, cuntzertos  de mùsicos de S’Alighera e de su restu de Sardigna, cun sa partetzipatzione, in mesu de sos àteros, de s’ Assòtziu Folk Culturale Nostra Sennora de Talia e Cunsonu de Thiesi.

[de Joan Elies Adell Pitarch, dae Eja n. 7, 2011]

#Sarvadore Serra

» in segus