bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


03/10/2011

Su Liet International Festival pro sa prima bia in Itàlia

Mancat petzi sa limba sarda: un'àtera ocasione pèrdida.

Sàbadu 19 de santandria 2011,  su Teatro Giovanni da Udine (in sa fotografia) agasàgiat su "Liet International Festival" chi dae semper promovet sa mùsica  in sas limbas minoritàrias de Europa.

Su festival l'at imbentadu  sa minoria  frisona (Paisos Basos) e est un'eventu  chi si nch'allargat  dae su  Eurofestival prus connotu, promovende sas limbas regionales e premiende gèneres musicales  chi nche sunt a tesu dae sas lògicas de su cummèrtziu.
Su festival l'ammaniant cada annu in una localidade de minoria  diferente. In sos annos colados l'ant fatu in  Ljouwert (Leeuwarden, in olandesu; capitale de sa Frìsia), Oestersund (Lapònia), Lorient (Bretagna).

Ocannu  pro sa prima bia lu faghent in Itàlia. Sos  finalistas  los ant giai isseberados  in sas semifinales chi ant fatu in custos meses colados. 

Su Liet international lu promovent su  Cussìgiu de Europa,  sa Regione de sas  Astùrias, sa Capitale Europea de sa Cultura 2018, s ’ARLeF (agentzia regionale pro sa limba  friulana) e sa Comuna de Ùdine;  lu realizant sa  Cooperativa il Campo Radio Onde Furlane, s'emitente istòrica in limba friulana.
Custos sunt sos grupos chi ant a leare parte in s'eventu. A dolu mannu, non b'at mancu unu grupu sardu:
 * Skama la rede (Astùrias) * Noid (Karelia – Rùssia) * Rollfa (Lapònia) * Manam (Iscòtzia) * The Silent woo Gore (Repùblica Udmurta – Rùssia) * Siroka (Paisu Bascu) * Aoife Scott (Irlanda) * Janna Eijer (Frìsia–Paisos   Bassos) * Priska (Friuli- Itàlia) * Coffeeshop Company (Minoria Croata in Àustria) * Cuntra Löm (Minoria Ladina – Val Badia) * Rezia Ladina (Cantone de sos Grigiones - Isvìtzera) 

#Sarvadore Serra

» in segus