bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


25/11/2010

LIET INTERNATIONAL, FESTIVAL EUROPEU DE SA MÙSICA IN SAS LIMBAS DE SAS MINORIAS

Sàbadu 27 de santandria in Lorient in Bretagna (Frantza) s’editzione 2010| Su grupu R.ESISTENCE IN DUB est s'ùnicu grupu friulanu e de s'istadu italianu in cuncursu | Si podet finas sighire in internèt e votare sa cantzone preferida

A pustis de àere otentu su prèmiu de su pùblicu in sa segunda editzione de SUNS - festival de sa cantzone in limba minoritària, tzelebrada in Ùdine su 28 de austu de ocannu, su grupu friulanu R.ESISTENCE IN DUB (in sa fotografia) s'at a esibire in su palcu de su Liet International, cròmpidu a sa de 7 editziones. In su matessi sero, ant a sonare e cantare 11 grupo, chi benint dae sas Ìsulas Far Oër, Galìtzia, Còrsica, Carèlia, Iscòtzia, Astùrias, Isvètzia, Frìsia, Bretagna, Friuli e Irlanda, in rapresentàntzia de sas minorias linguìsticas issoro. 

Est un'eventu gasi importante chi at a èssere sighidu dae sos mèdios de informatzione prus importantes, dae sa BBC a sa CNN.

S'eventu lu podimus sighire finas in direta internèt in su situ  http://www.liet.nl/internationaal in ue s'at a pòdere finas votare pro sa cantzone chi nos agradat de prus. Duncas bos invitamus a sighire s'eventu e a agiuare sos amigos friulanos, si cherides.

A SUNS de ocannu ant leadu parte finas sos grupos sardos Bentesoi e Shardana.

#Diegu Corràine


» in segus