bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


17/11/2010

Assinnadu su Prèmiu Internatzionale de Istùdios Etnogràficos

L'at bintu María Enriqueta Cerón, pro su traballu "Multilingüismo en Tlachichilco, Veracruz"

A s'antropòloga messicana e professora de s'Universidade de Veracruz María Enriqueta Cerón   l'ant dadu oe in  Salamanca,  Ispagna, su Prèmiu Internatzionale de Istùdios Etnogràficos Ángel Carril.

Ant premiadu s'istùdiu suo  subra de sas limbas minoritàrias "Multilingüismo en Tlachichilco, Veracruz" (in sa fotografia, un'immàgine de sa bidda)

 A pàrrere de s'etnogràficu ispagnolu Joaquín Díaz, cumponente de sa giuria, su traballu de Cerón "analizat in manera curreta a beru sos istàdios diferentes in ue s'agatant  unas cantas limbas minoritàrias in Veracruz, cun riferimentu a sa cunservatzione issoro, a s'impreu e a sa ripercusssione in sa sotziedade in ue si faeddant ". Díaz at agiuntu chi in custu istùdiu s' autora diagnòsticat s'istadu  de sas limbas  e sa manera chi  sa sotziedade  las impitat pro s'esprìmere.

Sa giuria at dadu finas una mentzione ispetziale  a su progetu "Turismo y tradiciones culturales entre los kunas de Panamá", pro s' " impostatzione curreta  in ue  s'atividade  turìstica si diat pòdere cunsiderare  un'afare de contracultura o una forma de supravivèntzia de unas cantas zonas rurales", at postu in craru Díaz.

In custa editzione de su Prèmiu, chi est sa de bator, ant leadu parte sete traballos, tres de s'Amèrica Latina, tres de Ispagna e un'àteru chi si riferit a un'istùdiu cumparativu intre Amèrica Latina e Ispagna

 


#Sarvadore Serra

» in segus