bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


08/09/2011

Duas dies de cunferèntzias e ispetàculos pro faeddare de sa Sardigna

Est in Abbasanta, su 16 e su 17 de custu mese, sa Festa Manna 2011 de iRS

Sa flota sarda, sa cuntierra de sas intradas, Abbanoa, Equitalia, sos polìgonos militares, su risanamentu ambientale. Custos e àteros sunt sos temas chi ant a tratare in sa Festa Manna chi iRS (indipendèntzia Repùblica de Sardigna) at ammaniadu pro su sèighi e su deghessete de cabudanni in s'Hotel Su Bajone de Abbasanta.

Su sèighi si cumintzat a sas chimbe e mesa de merie cun sa projetzione de su documentàriu Cattedrali di sabbia de Pàulu Carboni, sighidu dae unu dibàtidu subra de sos modellos de isvilupu e s'istòria de sos logos. Pustis b'at cuntzertos cun  artistas sardos.


Pro su deghessete b'at in programa duas cunferèntzias. Una at a tratare de "Soverania e deretos: esperièntzias e propostas pro unu caminu de autoguvernu in Sardigna", cun interventos de M. Dadea, G. Colli, C. Zuncheddu, A. Lopez Tena, O. Chessa, P. Cherchi, A. Mongili, G. Uggias. S'àteru tenet comente argumentu "Sardigna suta de embargo - decraratzione de s'istadu de crisi. Possìbile est a cumpartzire istrategias e solutziones?" e b'ant a leare parte rapresentantes de artesanos e cumertziantes lìberos, pastores sardos, precàrios de s'iscola, camionistas, comitadu contra a sos radar, comitadu contra a su Galsi. Pustis b'at una asseblea generale de iRS e, in fines, àteros cuntzertos.



#Sarvadore Serra

» in segus