bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


07/09/2011

Limba e cultura sarda. Esperièntzias cumparadas.

Si nde faeddat chenàbura e sàbadu in Uri, in un'addòviu ammaniadu dae sa Provìntzia de Tàtari

Chenàbura 9  e sàbadu 10 de cabudanni, in sa Biblioteca Comunale de Uri, b'at duas dies de istùdiu a propòsitu de  “Limba e  cultura sarda. Esperièntzias  cumparadas”. Custu addòviu l'at ammaniadu sa Provìntzia de Tàtari - Setore Cultura, cun sos fundos  de s’art 13 de sa lege  regionale 26/1997 (initziativas pro sa tutela de sa limba e  cultura sarda). Bi leant parte istudiosos de sardu, amministradores, esponentes de su mundu acadèmicu.
Chenàbura b'at relatziones a propòsitu de  “Limba sarda e Risorgimento italianu: sos efetos de s'italianizatzione  linguìstica in sos tempos de  s'unidade de Itàlia”  e unu dibàtidu a fùrriu de su tema  “Limba, identidade e omologatzione”.  
Sàbadu in antis si faeddat de “Difusione de sa limba e cultura sarda oe”; pustis si presentant su progetu “Giocos e Contos” de sa Consulta Arvada,  sas initziativas mandadas a dae in antis in  S''Alighera  cun s'agiudu  de s’Espai Llull, su progetu  ”Vivim la Llengua” de s'assòtziu aligheresu  "Unduetrè", su progetu  de música rap in sardu  de su grupu "Stranos elementos".
Sos traballos los cùngiat  s'interventu  de s'assessore regionale a s'istrutzione  pùblica Sergio Milia

#Sarvadore Serra

» in segus