bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


19/08/2011

Sas premiatziones de su cuncursu de poesia sarda "Remundu Piras"

Sunt  custu sàbadu in Biddanoa pro sa de tres e pro sa de bator setziones, in nadale pro sa prima e pro sa de duas

Sàbadu, su binti de austu, a sas sete e mesu de sero, in su campu de sa  Parrochiale de Biddanoa Monteleone, b'at tzerimònia de premiatzione   de  su Prèmiu de Poesia Sarda “Remundu Piras”, ammaniadu dae s'Assòtziu  Culturale “Interrios”.
Sa giuria, formada dae su presidente onoràriu Màriu Màsala, dae su presidente Pàulu Pillonca e dae sos giurados Maria Sale, Frantziscu Piras e Lenardu Meloni, chi s'est reunida pagas dies a como, at fatu  sa classìfica de sos binchidores  de s'editzione  2011.
Sa cummissione s'est espressada in custa manera: sa de tres setziones (aberta a poetas  sardos  e non sardos chi ant presentadu  testos de poesia rimada in sardu) l'at binta  Antoni Maria Pinna cun sa  poesia “Nessi pro pagu”. Su de duos est  Giuanne Baìngiu Vasco con “Nues”; sa de tres est  Anna Cristina Serra, cun  “Poita deu puru”. Su prèmiu  a sa carriera l'ant assinnadu a Sarvadore Mùrgia pro  sa poesia “Est torrada”, cando chi su Prèmiu ispetziale de sa giuria l'ant assinnadu  a Giuanne Soggiu, cun “Timorias d’ezzesa”. Ant assinnadu  sa mentzione de onore a Lenardu Ànghelu  Berria pro sa  poesia “A Tziu Remundu Piras”, a Ànghelu Porcheddu  pro “M’has agattare” , a Giuanne Frantziscu  Garrùcciu pro “Tu se’ lui me’ scalamento”, a Giuanne Pira pro “E tando bae”, a Sarvadore Ladu pro “Nuraghe Ruju” e a Antoni Brundu pro“Su t’ider dae nou”.
Pro sa de bator setziones (aberta a sos poetas sardos nàschidos e residentes in Biddanoa), sa giuria at assinnadu  su primu prèmiu  a Sarvadore Meloni pro sa  poesia “Utios de mare”, su de duos  a Antoni Nieddu pro “Vint’annos de ammentos” e su de tres  a Lughia Idili pro  “S’Italia Unida” e a Nicoledda Sechi pro “S’Istitntu”.
Sa Targa de sos eredes de su poeta Remundu Piras l'ant assinnada  a Manuela Meloni pro  sa poesia “Ammentos de Pizzinnia”. Totu sos binchidores  ant a èssere premiados cun libros subra de sa cultura e sa limba sarda.
Sas premiatziones de sa prima e de sa de duas setziones, riservada a sos iscolanos de sas iscolas de Sardigna, sunt, imbetzes,  in su mese de nadale

#Sarvadore Serra

» in segus