bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


04/07/2011

"500 RESONES PRO FAEDDARE IN CATALANU" PRESENTADAS IN S'ALIGHERA

S'Omniun Cultural presentat, martis 5-7-2011, su libru "500 raons per parlar català" de David Pagès

Su Òmnium Cultural de S’Alighera organizat pro cras, martis 5 de trìulas, a sas 7,30 de sero, in sa sala cunferèntzias de carrera de Carlo Alberto 33, sa presentada de su libru de David Pagès Cassú de Girona: "500 raons per parlar català", publicadu dae sas editziones catalanas CCG. L'at a presentare su poeta Guido Sari.

S'òpera at a èssere presentada intro de ocannu in totu sas tzitades prus mannas de limba catalana. E duncas finas in L'Alguer, chi in sardu mutimus pròpiu S'Alighera. 

Su libru presentat unas 500 tzitatziones (sas "resones" duncas) de personalidades de importu de sa sotziedade e de sa cultura catalana chi si riferint a sos benefìtzios de faeddare sa limba catalana. Comente narat su poeta Carles Duarte in sa premissa a su libru, "est unu gosu a nadare in intro de s'inventàriu de argumentos chi nos cunfirmant in s'impinnu de su bisòngiu de fàghere de sa limba catalana un'espressione naturale e fitiana de su chi semus, de su chi creimus, de comente sentimus..."

E nois, cantas nde tenimus de resones pro faeddare in sardu? De seguru, a su mancu su matessi tantu!

#Diegu Corràine

» in segus