bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


28/06/2011

Cjalant il Friul, Sguardi sul Friuli

Su libru, cuidadu dae Priscilla De Agostini e Silvana Schiavi Fachin, lu presentant custa chenàbura chi benit in Palazzo Morpurgo

A insinnare su friulanu  in iscola a ite servit? No est chi sos pitzinnos si cunfundent  cun àteras limbas? Non b'at a àere prus profetu  a lis fàghere imparare s'inglesu? No est chi su friulanu istandard faghet mòrrere sas variedades? Cantu dinare gastant pro sa defensa de sa limba  friulana? A insìstere in sas limbas locales no est cosa de provintziales?

Unos cantos tòpicos  a propòsitu de sa limba friulana, essidos in custos ùrtimos annos in sos  giornales a difusione locale e istatale, si faghent, in custu libru, argumentu de riflessione pro bìndighi pessonàgios de gabale ligados a su Friuli pro s'istòria issoro personale e professionale.

Sunt Tullio De Mauro, Nereo Perini, Eleanor Callanan, Novella Cantarutti, Pierluigi Cappello, Adrian Cescje, Lucija Čok, Valter Colle, Lorenzo Fabbro, Furio Honsell, Xavier Lamuela, Domenico Lenarduzzi, Carl Pup, Sergio Salvi, Leonardo Zanier.

Dae su cunfrontu de sas  diferentes opiniones e sensibilidades, caraterizadas dae  una connoschèntzia profunda  de sos problemas e dae una riflessione cuidadosa, naschet unu documentu chi cramat su letore a un'anàlisi e aprofundimentu interessantes non subra de sos sìngulos argumentos tratados ebbia, ma galu de prus  subra de sa netzessidade  de elaborare e promòvere unu programa educativu de sas limbas  innovativu a beru, chi punnet a isvilupare unu plurilinguismu efetivu e profetosu pro sos tzitadinos de custu giassu de làcana, laboratòriu linguìsticu privilegiadu in su coro  de s’Europa.

In sa curnitza galana a beru de su giardinu  de Palazzo Morpurgo de Udine (in sa fotografia), chenàbura su primu de trìulas  a sa sete de sero, Valter Colle, operadore culturale; Lorenzo Fabbro, vitze presidente de sa Cooperativa Informazione Friulana e giai presidente de s’ARLeF; Furio Honsell, sìndigu de Udine e giai retore de s’Ateneu friulano e Carl Pup, giornalista e rapresentante de su  Comitadu 482, s'ant a cunfrontare  e ant a aprofundire sos temas de su libru paris cun  sas  cuidadoras Priscilla De Agostini e Silvana Schiavi Fachin, moderados dae su giornalista  Paolo Cantarutti e acumpangiados dae unas cantas leturas de Andrea Collavino e Serena Di Blasio. Sa  publicatzione l'ant realizada  a contu de su  Centro Interdipartimentale di Ricerca sulla cultura e la lingua del Friuli (Cirf) de s’Universidade dei Udine,  gràtzias a sos fundos de sa L.482/99.  .


#Sarvadore Serra

» in segus