bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


26/04/2011

Sa Die de sa Sardigna 2011

Presentadu oe su programa

Non petzi una rapresentatzione in pratza de sos motos  chi nch'ant giutu  a sa rebellia populare e a sa dispatzada  de sos piemontesos, ma una festa chi cointeressat  totu s'ìsula in s'àmbitu de sos 150 annos de s'Unidade de Itàlia.

In custa manera chi podimus definire singulare (nos abbarrat sa duda de comente si podent pònnere paris duas cosas gasi antitèticas) sa Regione presentat Sa Die de Sa Sardigna  editzione 2011.   "Custu apuntamentu  podiat pàrrere  una cosa in prus cunforma  a sas festas  pro sos 150 annos- at craridu s'assessore de s'Istrutzione Pùblica e Cultura, Sergio Milia - ma l'amus chertu  caraterizare comente  un' ùnicum, cointeressende 50 iscolas. At a èssere una die  de festa e, in su matessi tempus, una riflessione pro sa parte chi sa Sardigna devet tènnere  in unu mamentu chi si faeddat  de  federalismu: una riflessione  pro sa classe dirigente de como ma finas pro sos giòvanos nostros".

RISORSAS - Cun unu finantziamentu de 300 mìgia èuros sa Regione at  amaniadu eventos non petzi in Casteddu e in sas àteras capitales  de provìntzia, dae su 27 a su 30 de abrile, ma finas in 17 comunas, in duas provìntzias, Campidanu Mèdiu  e Aristanis , e in una Unione de sas comunas (Parteolla e Campidanu Bassu). "Cherimus  chi sos sardos  s'intendant  galu prus unidos intre issos - at osservadu Milia - in una realidade  chi como devet agatare  iscumproos in su raportu  con un'Istadu chi, non como ebbia, est distratu cando si faeddat de sas revindicatziones de s'ìsula".

EVENTOS - In mesu de sos eventos printzipales,  su de sa die de sa  festa, su  28 pretzisamente, in sa biblioteca regionale a sas 10,30, cun su guvernadore Ugo Cappellacci, s'assessore Milia, su presidente de sa  cummissione Cultura de su Cussìgiu regionale, Attilio Dedoni, e sos cumponentes de s'Osservatòriu  pro sa cultura e sa limba sarda. Su  28 de abrile  sos ufìtzios pùblicos ant a abbarrare abertos ma sas iscolas ant a osservare una die de pasu.


#Sarvadore Serra

» in segus