bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


26/04/2011

Torrat su prèmiu de poesia de Bortigali

L'at amaniadu s'assòtziu "A pees de Santu Padre" paris cun su Biblioteca comunale

Torrat su prèmiu biennale de poesia in limba sarda "A pees de Santu Padre" de Bortigali, amaniadu dae s'assòtziu omònimu e dae sa Biblioteca, cun  su patronadu de s'assessoradu a sa cultura de sa Comuna e de sa Pro loco.
Sa de ocannu est sa segunda editzione de su Prèmiu. Sos tèrmines pro bi leare parte los ant abertos in custas dies coladas. Su cuncursu previdet tres setziones  a tema lìberu: poesia in rima (A), poesia in versos lìberos (B) e sa setzione riservada a sos poetas locales (C). Sas poesias cherent imbiadas  intro de su 20 de maju  a s'indiritzu Prèmiu biennale de poesia in Limba Sarda, c/o Comuna de Bortigali, carrera de Umberto 1, Bortigali. De sa giuria nde faghent parte Pàulu Pillonca, Toninu Màriu Rubattu, Atìliu Loche, Giuanne Pititu, Giosepe Tirotto e Antoni Pes. Sos prèmios los dant in su mese de trìulas.
S'àtera èditzione de su prèmiu at tentu una resessida manna, cun una partetzipatzione bona de poetas  chi ant presentadu traballos a beru de calidade. Sunt istados 114 sos poetas  de totu sa Sardigna (calicunu residente in sa penìsula) chi b'ant leadu parte. Cussa editzione fiat dedicada a su poeta bortigalesu Pantaleu Serra. Sa de ocannu at a ammentare sa poetessa Anna Maria Falchi (autora de "glossas" valorosas),  nàschida in Bortigali in su 1823, in ue si nch'est morta in su 1873.
Su bandu cumpletu de su cuncursu si podet iscarrigare dae su situ de sa bblioteca www.biblioteca-bortigali.it

#Sarvadore Serra

» in segus