bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


22/04/2011

Creschet s'interessu pro su Babel Festival

Sa  Presidèntzia  de sa Provìntzia  de Trento e s'Assessoradu  a sa Cultura de sa Badde de Aosta ant dadu su patronadu a s'eventu

Su primu cuncursu tzinematogràficu internatzionale dedicadu a su tzìnema  de sas minorias linguìsticas, in programa in nadale  in Casteddu, ocannu  ha cunchistadu s'interessu de duas Regiones continentales   a Istatutu ispetziale, in ue b'est su bilinguismu. Sa Presidèntzia  de sa Provìntzia  de Trento e s'Assessoradu  a sa Cultura de sa Badde de Aosta, difatis,  ant dadu su patronadu a s'eventu cun tantu de delìberas de Giunta.

''S'annu coladu su festival at lùghidu  pro s'assèntzia  de sas istitutziones sardas, siat durante su cuncursu siat in sa premiatzione finale - at sutaliniadu cun ironia  Antoneddu Zanda, presidente de sa Societa' Umanitaria-Cineteca sarda chi  organizat s'eventu  paris cun sos assòtzios culturale Babel, presèdidu  dae Tore Cubeddu, e Aerovisuale, de Pàulu Carboni. In càmbiu, nos ant cramadu   sas istitutziones de custas duas  regiones  in ue cunvivent etnias  e limbas diferentes, comente diferente  est  sa sensibilidade  e su rispetu  pro sas minorias linguìsticas dae bandas de sos tzitadinos  e de sa classe polìtica. Regiones  chi ant aplicadu  sos poderes chi lis ant cunferidu sos istatutos ispetziales issoro''.

Su festival costat 80 mìgia èuros, e finas a como  petzi sa Regione Sarda  e sa Provìntzia de Casteddu  ant cunfirmadu s'impinnu econòmicu. Forte de sa resessida  de s'annu coladu - 74 pellìculas in cuncursu, 3500 presèntzias a projetziones e ispetàculos, 25 minorias linguìsticas rapresentadas - sos  organizadores sunt punnende a triplicare sa partetzipatzione . A presìdere  sa giuria ant cramadu su regista Edoardo Winspeare.

#Sarvadore Serra

» in segus