bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


14/04/2011

Sa Die de sa Sardigna 2011

Sa Regione at aprovadu su programa de sos eventos

Sa  Giunta regionale sarda, de acordu cun sa Cummissione 8 de su Cussìgiu regionale, e a proposta de s'assessore  de s'Istrutzione Pùblica, Benes  Culturales, Informatzione, Ispetàculu e Isport Sergio Milia, at aprovadu  su programa de màssima de sos eventos de "Sa Die de sa Sardigna", sa festa de su pòpulu sardu. In previsione una sèrie de initziativas cummemorativas, culturales e de ispetàculu pro pònnere in contu s'identidade de sa Sardigna.

S'editzione de ocannu  at a èssere ammentada comente  sa de sa torrada in possa de custa manifestatzione chi una lege de su 1993 cheret tzelebrativa de su Pòpulu Sardu. Sa Regione cheret investire cun prus cumbinchimentu in sas tzelebratziones chi, dae su 27 a su 30 de abrile, ant a animare teatros, iscolas, comunas, pratzas, carreras de s'ìsula pro ammentare sos eventos chi nch'ant giutu, su 28 de abrile de su 1794,  a nche bogare sos piementosos dae sa capitale de su Rennu, Casteddu.

Su calendàriu  de sas initziativas, galu in fase de perfetzionamentu, previdet, pro su mangianu de su 27 de abrile chi benit, un'addòviu in Casteddu pro sos alunnos  de sas iscolas,  in ue ant a èssere presentados unos cantos traballos e e ant a èssere premiados unos cantos istitutos.

Su 28, a mangianu, b'at una  tzerimònia ufitziale in sa Biblioteca Regionale in carrera de Trieste in Casteddu, cando chi a sero, in pratza de Palatzu, b'at  una festa populare cun cuntzertu e ballos.

Su 29 sas manifestatziones  s'ispostant  a Nùgoro, in ue s'Istitutu Regionale Etnogràficu organizat una presentada de sos traballos bibliogràficos subra de sa limba  sarda, e a Aristanis, in ue s'Istitutu Arborense organizat unu simpòsiu istòricu subra de sos fatos de su triènniu  rivolutzionàriu

Su 30, in Tàtari, a mangianu, manifestatziones in sas iscolas,  e, a sero, in pratza de Itàlia, cuntzertu cun sa partetzipatzione de sos cuncordos.

Sa Regione at finas finantziadu  deghinas de progetos cun manifestatziones  in sas comunas e in sas  iscolas de Sardigna. " A pustis de s'omàgiu doverosu  a s'Unidade de Itàlia - at naradu  s’assessore Sergio Milia - pro nois est un'ocasione de importu  a chircare de torrare a pònnere in possa, in sos lìmites  de su bilàntziu  e de su mamentu de crisi econòmica grae chi semus connoschende, una manifestatzione chi, a parte cada intentu tzelebrativu, nos ammentat  su valore e sa fortza de èssere unu pòpulu distintu, ma no a largu dea sos àteros pòpulos italianos. Su fatu  chi sa  Repùblica, in prus, nos reconnoscat  custu status giurìdicu de pòpulu cun lege costitutzionale, nos prenat de mannia e,  in su matessi tempus, nos faghet cussentes  de sa responsabilidade de l'ammentare  cada die  a nois  etotu, in sas atividades nostras  de guvernu  in s'interessu de sos tzitadinos sardos".

#Sarvadore Serra

» in segus