bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


14/02/2011

SPORTAMEN,  Limba, identidade, cultura 

L'organizant in Trentinu, in ocasione de sa "Die Internatzionale de sa Limba Materna"

Su 21 de freàrgiu de cada annu si festat sa “Die Internatzionale de sa  Limba Materna",  testimonia de s'oportunidade istraordinària oferta dae su pluralismu e dae sa diversidade culturale de su patrimòniu  linguìsticu de sas limbas faeddadas in su mundu. 

Finas in Trentinu cherent fàghere una riflessione  subra de sas limbas prus pagu difusas, sas limbas maternas  de sos Ladinos  de Fassa, de sos Mòchenis de sa Bersntol, de sos Tzimbros de Luserna, chi rapresentant  e  espressant unu patrimòniu  istraordinàriu de tzivilidade e de cultura chi faghet  prus ricu  s'orizonte nostru. 

Ocannu, pro festare  custu apuntamentu importante, pro sa fortza  comunicativa, pro sa dimensione assotziativa, pro su ruolu  educativu, pro sa valèntzia sotziale assoluta sua , su  Servìtziu pro sa promotzione  de sas minorias  linguìsticas locales de sa Provìntzia autònoma de Trentu at isseberadu s'isport. 

S'isport in totu sas formas e manifestatziones suas, vìvidu comente laboratòriu linguìsticu, incubadore de neologismos  e,  a s'ispissu, de  orizontes espressivos noos, mèdiu de cunvivèntzia e crèschida culturale finas in sas comunidades locales minores. 

Sa manifestatzione si narat  SPORTAMEN. Limba, identidade, cultur. S'idea est de  afirmare su valore e sa richesa imateriale de una sotziedade chi in sa pluralidade e in sa diversidade  de sas cumponentes suas fràigat cun coerèntzia e originalidade  su venidore suo.

In prus de sos  rapresentantes locales e de sa comunidade Ladina, Tzimbra e Mochena, ant a èssere presentes  Marta Stocker, vitzepresidenta de sa FUEV, Unione Federale Europea de sos Grupos  Ètnicos, Ines Cavalcanti, de  Chambra D'Oc, pro s'Otzitània e, pro su Friuli, Franco Soldati de s'Udinese Calcio e Federica Angeli e Priscilla De Agostini, cun s'ùrtimu istùdiu issoro "Gol la lenghe dal sport".

#Sarvadore Serra

» in segus