bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: EVENTOS-ATZIONES
cumpartzi custa noa cun sos amigos tuos invia mail stampa

EVENTOS-ATZIONES


28/01/2011

Sardos e Sardigna in s'època de sa globalizatzione: ideas e movimentos

Organizadu dae Sardos Europeos Assòtziu de istùdios natzionales, Tàtari, 12/02/2011

Dae pagu tempus est nàschidu un'assòtziu culturale nou, SardosEuropeos, chi si cheret interessare de "istùdios natzionales". SE est interessadu a analizare e a istudiare sa chistione natzionale in generale e sos casos sìngulos de sas natziones emergentes, sena istadu, in chirca o cun voluntade de un'istadu pròpiu, mescamente in Europa. Duncas istùdiat e si cunfrontat cun sos temas de s'autodeterminatzione e de sa soverania. Lu faghet in forma de documentos o de seminàrios e cunferèntzias.

Su primu addòviu, SE l'organizat in Tàtari su 12 de freàrgiu chi benit, in sa Sala cunferèntzias de sa crèsia Mater Ecclesiae, carrera de Luna e Sole.

Su tema chi at a èssere tratadu est:
Sardos e Sardigna in s'època de sa globalizatzione: ideas e movimentos.


Custu est su programa:

MANGIANU, h 9.30-13.00

> Presentada de sas finalidades de SardosEuropeos

> Cunfrontu cun:

Giuanne Frantziscu PINTORE, «Ideas e movimentos natzionales in Sardigna in sos ùrtimos 30 annos»

Diegu CORRÀINE, «Contra a s'assimilatzione linguìstica e natzionale, unu movimentu culturale e polìticu plurale e modernu»

Vissente MIGALEDDU, «Soverania ambientale in Sardigna»

Antoni BULÙGIU, «Natzionalismu, internatzionalismu e globalizatzione»

Federicu FRANCIONI, «Sa Sardigna in su mundu mannu e terrorosu»

Antoni Maria PALA, «Natzionalismu: paris in sa diferèntzia»

MERIE h 15.30 - 18.30

> Interventos de sos partetzipantes interessados
> Cuncruimentu

Si seis interessados a leare parte, intrade in sa pàgina FaceBook de s'eventu e marcade·bos comente partetzipantes:
Sardos e Sardigna...

>Postel de SardosEuropeos in FaceBook: sardoseuropeos@groups.facebook.com

#Diegu Corràine

» in segus