bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Documentos
cumpartzi custa noa cun sos amigos tuos invia mail stampa

Documentos


MANIFESTU de GIRONA DE SOS DERETOS LINGUÌSTICOS UNIVERSALES

15 annos a pustis de sa Decraratzione Universale de sos Deretos Linguìsticos de Bartzellona, su Decàlogu de su PEN nde proponet una sìntesi.

(8-8-2011) Su PEN Internatzionale aunit sos iscritores de su mundu.

Bìndighi annos a como, su Comitadu de Tradutzione e Deretos Linguìsticos de su PEN Internatzionale at publicadu pro sa prima bia sa Decraratzione Universale de sos Deretos Lingu rave;sticos.

Oe, su matessi Comitadu, riunidu in Girona, proclamat unu Manifestu cun sos deghe printzìpios generales de sa Decraratzione Universale. 

Sa diversidade linguìstica est unu patrimòniu de s'umanidade, chi cheret valorizadu e protetu.

 2  Su rispetu pro totu sas limbas e culturas est fundamentale in su protzessu de fràigu e mantenimentu de su diàlogu e de sa paghe in su mund u.

 3  Totu sas pessones imparant a faeddare in intro de una comunidade chi li dat sa vida, sa limba, sa cultura e s'identidade.

 4  Totu sas limbas e sas maneras diferentes de faeddare non sunt mèdios de comunicatzione ebbia; sunt  finas s'àmbitu in ue sos èsseres umanos creschent e e sas culturas leant forma. 

 5  Cada comunidade linguìstica tenet su deretu chi sa limba sua siat impreada comente limba ufitziale in su territòriu suo.

 6  S'imparòngiu in s'iscola devet agiuare a dare valore a sa limba faeddada dae sa comunidade linguìstica de su territòriu.

 7 Sos tzitadinos devent punnare a sa connoschèntzia ge neralizada de limbas diferentes, ca agiuat s'empatia e s'abertura intelletuale, e cuntribuit a una connosch ave;ntzia prus profunda de sa limba pròpia.

 8  Sa tradutzione de testos, mescamente de grandu òperas de culturas diferentes, rapresentat un'elementu de importu mannu in su protzessu netzessàriu de prus connoschèntzia e rispetu intre sos èsseres umanos.

 9  Sos mèdios de comunicatzione sunt amplificadores privilegiados pro fraigare sa diversidade linguìstica e pro nd'aumentare su valore cun cumpetèntzia e rigore. 

 10   Su deretu a s'impreu e a sa protetzione de sa limba pròpia cheret reconnotu dae sas Natziones Unidas comente unu de sos deretos umanos fundamentales.

Su Comitadu de Tradutzione e Deretos Linguìsticos de su PEN Internatzionale

Girona, 13 de Maju de su 2011


#Diegu Corràine

» in segus