Informatziones :: CHIE SEMUS
cumpartzi custa noa cun sos amigos tuos stampa

CHIE SEMUS


LIMBAS

Marcadu in su Tribunale de Nùgoro n. 87/1987 dae su 20/07/1987

Limbas e Natziones de su tempus nostru

Diretore responsàbile
Chiaffredo VALLA

Diretore editoriale
Diegu Corràine

Redatores:
Diegu Corràine
Zuanne Luisu Stochino
Gianfranco Pinna

Editore:
PAPIROS scrl, Nùgoro


Si cheres collaborare, imbiende noas chi pessas chi nos potzant interessare, iscrie a:
limbasnatziones@gmail.com


Su mundu de s'informatzione oe
In su mundu de s'informatzione, in pabiru, in ràdiu e in televisione, sunt pagas sas ocasiones  e sas testadas chi favorint sa connoschèntzia de sos problemas de sas limbas, sas natziones e pòpulos "diferentes", in intro e in foras de s'Europa, francu cando b'at eventos clamorosos o graves. Sos utentes de custa informatzione, belle semper non tenent s'ocasione de cumprèndere, arrischende de si fàghere petzi una visione "negativa" o partziale de sas chistiones de atualidade: cunflitos, gherras, sutaisvilupu, culturas e sistemas sotziales diferentes. Ca belle mai sunt presentados sos problemas beros, sas càusas de sos eventos.
In prus, sas solutziones chi tenent custos problemas o sas propostas de solutzione non cumparent in s'informatzione currente, ca paga est s'informatzione chi dat "boghe" a sos àteros pòpulos e mundos, a sas àteras limbas.

Un'àtera informatzione est possìbile
Limbas & Natziones de su Tempus Nostru  cheret proare a presentare in sardu sas informatziones chi a su sòlitu sos mèdias non proponent, sas informatziones e ideas chi essint dae sas fontes diretas espressadas dae sos protagonistas (àteros sitos de informatzione alternativa, organismos non guvernativos, assòtzios culturales de limbas, natzionalidades e pòpulos, entidades culturales natzionales e internatzionales).
Custu at a cunsentire finas de cumprèndere mègius sos problemas nostros e de tènnere ideas noas pro otènnere solutziones positivas.

Limbas & Natziones de su Tempus Nostru: un'ocasione de cunfrontu e de afortimentu de sa limba sarda
Sas informatziones chi proponimus sunt unu mèdiu de introduire in su dibàtidu culturale e polìticu de s'Ìsula nostra elementos noos de cunfrontu, ampliende s'orizonte nostru. Sunt finas s'ocasione pro dare fortza a sa limba nostra, in manera sèria e moderna. Su sardu tenet totu sas calidades e possibilidades de lu fàghere in manera cumpreta, che a totu sas àteras limbas chi si cherent populares e ufitziales in su matessi tempus.

#Sarvadore Serra