bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


S'Isvìtzera devet sighire a operare in favore de su romantzu

Lu narat su Cussìgiu de Europa

Su Cussìgiu de Europa  pedit a s'Isvìtzera de sighire a operare in favore de sa limba romantza. In su de bator raportos  chi at publicadu a propòsitu de sas limbas minoritàrias, custa organizatzione internatzionale  insistit mescamente supra de s'insinnamentu de sa de bator limbas natzionales in iscola.

Su Cussìgiu de Europa at cunstatadu chi,  dae sas ùrtimas racumandatziones suas, su guvernu isvìtzeru at leadu  unos cantos providimentos  pro garantire s'introduimentu de su romantzu in iscola. Ma, a su chi resurtat dae su raportu, b'at amministratziones comunales chi galu no ant fatu nudda

Su comitadu de espertos  est finas in pessamentu  pro sas cunseguèntzias de sa riorganizatzione  de sa formatzione de sos insinnantes de s'iscola elementare. Difatis, sa riforma  at fatu minimare meda su nùmeru de sos istudentes  chi si preparant pro unu tzertificadu  de insinnamentu de su romantzu, e b'at projetziones chi faghent tìmere chi b'at a èssere unu nùmeru non bastante de maistros.

In fines, su Cussìgiu de Europa pedit a Berna  de organizare  cursos de romantzu pro su personale amministrativu.



#Sarvadore Serra

» in segus